Lajme

Këtë vit vetëm 90 studentë zgjodhën të studiojnë për Bujqësi, Pylltari, Peshkim dhe Veterinari

Autori: Gazeta inFokus 15:38 | 16 November 2022

Agjencia e Statistikave të Kosovës ka publikuar raportin statistikor mbi Statistikat e Arsimit të Lartë në Kosovë, sipas fushave të studimit, në vitin akademik 2021/22.

Sipas rezultateve të dala nga ky publikim, del se numri më i madh i studentëve të regjistruar për herë të parë në nivelin Bachelor është shënuar në Biznes, Administratë dhe Ligj me gjithsej 5 mijë e 184 studentë.

“Ndërkaq, sa i përket numrit të përgjithshëm të studentëve, të cilët ndjekin arsimin e lartë në nivelin Bachelor, vërehet diferencë e madhe gjinore në fushën e Arsimit, ku nga 4 352 studentë, 92.6% janë femra dhe 7.4% janë meshkuj”, thuhet në njoftimin e ASK-së.

-Advertisement-

Tutje, bëhet e ditur se nga numri i përgjithshëm i studentëve të regjistruar për herë të parë në nivelin Master, vërehet numër i vogël i studentëve të regjistruar në fushat Bujqësi, Pylltari, Peshkim dhe Veterinari, me gjithsej 90 studentë.

“Po ashtu, edhe krahasuar me numrin e përgjithshëm të studentëve, të cilët ndjekin arsimin e lartë në nivelin Master, dominon numri i studentëve, të cilët ndjekin studimet në fushat: Biznes, Administratë dhe Ligj, me gjithsej 5 149 studentë, ose 43.4% e numrit të përgjithshëm”, thuhet në njoftimin e ASK-së.

Kurse, në nivelin Bachelor, sipas ASK-së, vërehet diferencë e madhe gjinore në fushën e arsimit, ku nga 4 mijë e 352 studentë, 92.6 për qind janë femra dhe 7.4 për qind janë meshkuj.

Subscribe në YouTube: GAZETA INFOKUSI