Lajme

Këshilli i Prindërve i kësaj shkolle del kundër grevës, kërkon marrëveshje mes SBASHK-ut e Qeverisë

Autori: Gazeta inFokus 20:39 | 31 August 2022

Këshilli i Prindërve i Shkollës Fillore “Faik Konica” në Prishtinë, ka dalë kundër grevës së mësimdhënësve të paralajmëruar nga SBAShK, duke bërë thirrje për bashkëpunim me qeverinë për fillimin e vitit të ri shkollor më 1 shtator.

Sipas këshillit, greva edhe pse e drejtë ndërkombëtare, në këto momente dëmton shumë procesin edukativo-arsimor.

“Fëmijët janë ata të cilët humbasin më së shumti si rezultat i mosmbajtje së mësimit. Procesi zhvillimor i të nxënit tek nxënësit pengohet dhe crregullohet me greva. Përvec aspektit akademik, grevat crregullojnë edhe jetën personale, sociale e familjare të të nxënësve dhe familjeve të tyre”, thuhet në deklaratën e bërë publik.

-Advertisement-

Më tej, Këshilli i Prindërve të SHFMU “Faik Konica” ka apeluar te të gjithë përgjegjësit për mirëkuptim e bashkëpunim profesional dhe të menjëhershëm, për të mos humbur asnjë orë mësimit për nxënësit.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik

Të tjera

Fokusi

lajme