Të gjithë e dimë se moti i nxehtë mund të jetë i rrezikshëm për te gjithë. Kjo është veçanërisht e vërtetë për njerëzit më të moshuar.

Te gjithë duhet ti kushtojnë kujdes te veçante kohës se verës, por moti i nxehtë ka më shumë gjasa të shkaktojë probleme shëndetësore për personat me te moshuar për një sërë arsyesh. Këto arsye përfshijnë ndryshimet fizike të lidhura me trup, kushtet shëndetësore kronike, dhe madje edhe efektet anësore të marrjes së barnave. INFOKUSI ju sjell disa këshilla për tejkalimin e motit te nxehte:

QËNDRONI NE VEND TE SIGURTE KUR ËSHTË TEPËR I NXEHTË

Kur temperatura rritet mbi 30C, të moshuarit duhet të jenë proaktiv dhe te marrin masa paraprake. Pra, kontrolloni temperaturën e jashtme në ditët e verës. Nëse është më e lartë se 30C, njerëzit e moshuar duhet të mbajnë parasysh këshillat e mëposhtme:

Ikni sa me shume ekspozimit ne diell nëse është e mundur. Prisni të dilni ne mbrëmje ose kryeni punët tuaja herët në mëngjes.

Ajri i kondicionuar është miku juaj gjate muajve te verës. Kaloni sa më shumë kohe në hapësirat e ajrit të kondicionuar. Nëse ju nuk keni një kondicioner, shkoni diku që është më freskët.

Qëndroni të hidratuar. Pini shumë ujë,çaja dhe lëngje të tjera që nuk përmbajnë alkool ose kafeinë.

Alkooli dhe kafeina mund t'ju dehidrojnë dhe ta vështirësojnë gjendjen tuaj.

Vishuni përshtatshëm. Sa herë që mundeni, provoni të mbani rroba të lirshme dhe të lehta. Rrobat me ngjyrë të errët absorbojnë nxehtësinë, andaj vishuni me ngjyra te hapura. Gjithmonë mbani kapele nëse ekspozoheni ne diell, edhe nëse është për pak minuta. Këto ndryshime të thjeshta do t'ju ndihmojnë të qëndroni të freskët dhe të shmangni djegien nga dielli, shkruan Infokusi.com

Përdorni faktorë mbrojtës për ekspozim ne diell, SPF 15 ose më e lartë.

Freskohuni – Beni dush ose banja (jo shumë të ftohtë ose shumë të nxehtë). Nëse nuk keni kohe për dush, atëherë merrni peshqir te lagur me ujë të ftohtë dhe i vendosni ato në kyçe, këmbë, sqetulla dhe qafë.

SI TË IDENTIFIKONI DHE TRAJTONI PROBLEMET SHËNDETËSORE TË SHKAKTUARA NGA NXEHTËSIA

Është e rëndësishme të dini kur moti i nxehtë ju bën të sëmureni dhe kur ju duhet të merrni ndihmë.

Këtu është një listë për problemet shëndetësore të shkaktuara nga nxehtësia e madhe:

GODITJA NGA TE NXEHTIT – Çfarë është: Një rritje shumë e rrezikshme në temperaturën e trupit tuaj.

Mund të jetë VDEKJEPRURËSE.

Shenjat paralajmëruese: Një temperaturë trupore prej 38C° ose më e lartë; Lëkurë e kuqe, e nxehtë dhe e thatë; Impuls të shpejtë; dhimbje koke; marramendje; Neveri ose vjellje; humbje e vetëdijes;

Çfarë duhet të bëni: Thirrni menjëherë emergjencën (112). Lëvizni në një vend të freskët, me hije dhe hiqni ose lirohuni nga rrobat e rënda ose te ngushta. Nëse është e mundur, lagni veten me ujë të freskët, ose vendosni rroba të lagura me ujë të ftohtë në kyçe, këmbë, sqetulla dhe qafën tuaj për të ulur temperaturën tuaj.

Mundohuni të pini sa me shume ujë. Shënim: Nëse ju jeni duke u kujdesur për dikë tjetër që ka goditje nga te nxehtit, vetëm i jepni ujë ose pije nëse janë te zgjuar dhe thirrni emergjencën menjëherë.

RRASKAPITJA NGA TE NXEHTIT – Çfarë është: Një problem serioz shëndetësor i shkaktuar nga shumë nxehtësi dhe dehidrim. Nëse nuk trajtohet, kjo mund të çojë në goditje të nxehtësisë (shih më lart).

Shenjat paralajmëruese: djersitje e rëndë ose pa djersitje, dhimbje të muskujve, lodhje,dobësi, zbehje, lëkurë të ftohtë ose të butë, marramendje, dhimbje koke, vjellje dhe impuls i dobët, i lodhur, shkruan infokusi.com

Çfarë duhet të bëni: Pa vonesë, lëvizni në një vend të freskët, me hije dhe pini shumë lëngje të ftohta, të tilla si uji ose pije sportive. Telefononi emergjencën menjëherë nëse keni tension të lartë ose problem me zemrën, ose nëse nuk ndjeheni më mirë pasi keni kaluar në hije dhe keni pire lëngje.

HUMBJA E VETEDIJES NGA TE NXEHTIT- Çfarë është: Vuajtje e shkaktuar nga temperaturat e larta.

Shenjat paralajmëruese: Marramendje ose zbehje.

Çfarë duhet të bëni: Pa vonese lëvizini në një vend te freskuar, shtrihuni dhe vendosni këmbët tuaja lart dhe pini shumë ujë dhe lëngje të tjera./INFOKUSI

Çka do të thotë të gatuash shqip?

Sponsoruar