Sport

Kërkohet një trajner; Zidane kandidat për pankinën e PSG

Autori: Gazeta inFokus 13:52 | 23 January 2018

Pankina e PSG prej kohësh përflitet dhe me gjithë rezultatet që ka marrë në këtë sezon, trajneri Unai Emery mbetet gjithnjë i shënjestruar.

Spanjolli nuk ka arritur të vendosë ekuilibrat e duhur brenda dhomave të zhveshjes dhe me shumë gjasa në fundin e sezonit pritet shkarkimi i tij. Vetëm fitimi i Champions League mund t’i shpëtojë stolin dhe fitimi i kupës së ëndërruar do të nisë nga sfida me kampionët në fuqi të Real Madrid.

Dhe pikërisht nga Spanja mendohet se mund të vijë edhe zëvëndësuesi i Emery. Sipas ‘Sport’, Zinedine Zidane ka profilin e duhur për të marrë drejtimin e skuadrës pariziene. Sipas të njejtit burim, kanë nisur edhe kontratet me trajnerin, duke e informuar me vullnetin që ka klubi për ta rikthyer në Francë, pas më shumë se 20 vjetësh shkëputje.

-Advertisement-

Vështirësitë që po has në këtë sezon me Realin mund të shtojnë idenë e ndërrimit të ambjentit, duke e shtyrë drejt vendlindjes, ku do të ketë mundësinë të shprehë më mirë aftësinë e tij si trajner.