Kërkesa publike e Bardhyl Mahmutit: PDK-ja të mbështesë propozimet e LV-së për krijimin e institucioneve, me kusht zhbërjen e Speciales
Autori: Gazeta inFokus
20:03 | 20 July 2026
Veprimtari Bardhyl Mahmuti ka dalë me një kërkesë publike sa i përket Gjykatës Speciale.
Ai ka thënë se PDK-ja duhet të mbështesë të gjitha propozimet e Lëvizjes Vetëvendosje për krijimin e institucioneve, me kusht që bashkërisht ta zhbëjnë Gjykata Speciale.
Bardhyl Mahmuti ka shkruar në “Facebook” se derisa presim vendimin e procesit gjyqësor kundër Hashim Thaçit, Kadri Veselit, Rexhep Selimit dhe Jakup Krasniqit, juristë me famë ndërkombëtare janë duke i rënë kambanave të alarmit për rrezikun real që më 16 shtator 2026, Dhomat e Specializuara të Kosovës në Hagë sjellin vendim të njëanshëm politik për të dënuar luftën çlirimtare të Kosovës.
Kërkesa e tij publike:
KËRKESË PUBLIKE DREJTUESVE TË PDK-SË
ZHBËRJA E GJYKATËS SPECIALE-KUSHT I DOMOSDOSHËM PËR TË SHMANGUR DËNIMIN E LUFTËS ÇLIRIMTARE TË KOSOVËS!
Të nderuar drejtues të PDK-së,
Kam bindjen që jeni në dijeni të plotë se ndërkohë që presim vendimin e procesit gjyqësor kundër Hashim Thaçit, Kadri Veselit, Rexhep Selimit dhe Jakup Krasniqit, juristë me famë ndërkombëtare janë duke i rënë kambanave të alarmit për rrezikun real që më 16 shtator 2026, Dhomat e Specializuara të Kosovës në Hagë sjellin vendim të njëanshëm politik për të dënuar luftën çlirimtare të Kosovës.
Qëllim për ta dënuar luftën çlirimtare të Kosovës nuk fshihet as nga vetë Dhomat e Specializuara të Kosovës në Hagë .
Në bazë të § 33-35 të aktakuzës (Numri i çështjes: KSC-BC-2020-06, Shtojca 5) në “Ndërmarrjes Kriminale të Përbashkët” përfshihen pjesëtarë të Ushtrisë Çlirimtare të Kosovës dhe anëtarë të Qeverisë së Përkohshme të Kosovës (QPK):
– “Hashim Thaç, Kadri Veseli, Rexhep Selimi, Jakup Kasniqi, Azem Syla, Lahi Brahimaj, Fatmir Limaj, Sylejman Selimi, Rrustem Mustafa, Shukri Buja, Latif Gashi, Sabit Geci si dhe disa udhëheqës të tjerë politikë dhe ushtarakë të UÇK-së dhe QPK- së, ndër të cilët edhe anëtarë të tjerë të Shtabit të Përgjithshëm;
– ministra dhe zëvendësministra të QPK-së;
– komandantë të zonave të UÇK-së, zëvendëskomandantë të zonave dhe anëtarë të tjerë të shtabeve të komandave të zonave;
– komandantë të brigadave dhe njësiteve;
– komandantë dhe anëtarë të shërbimeve policore dhe të zbulimit të UÇK-së dhe QPK-së; dhe
– ushtarë të tjerë të UÇK-së dhe zyrtarë të tjerë të QPK-së.
– Të gjithë këta individë, me veprimet dhe mosveprimet e tyre, kontribuuan në arritjen e qëllimit të përbashkët”.
Ndërkaq në kategorinë “instrumentet e Ndërmarrjes Kriminale të Përbashkët” përfshihen ata persona që nuk ishin pjesë e “Ndërmarrjes Kriminale të Përbashkët”, por që ndihmuan në çfarëdo forme realizimin e qëllimit të luftës çlirimtare të Kosovës, që cilësohet si “Ndërmarrje Kriminale e Përbashkët”.
Të nderuar drejtues të PDK-së,
Siç kemi mundur të shohim në seancat publike, gjatë 28 muaj e 30 ditë sa zgjati dëgjimi i dëshmitarëve të prokurorisë, trupi gjykues dhe qytetarët e Kosovës kanë mundur të binden për një fakt: mbrojta e Hashim Thaçit, Kadri Veselit, Rexhep Selimit dhe Jakup Krasniqit shpartalluan sajesat që prokuroria u përpoq t’i shesë si fakte me 125 dëshmitarët që solli në këtë procesi gjyqësor.
Gjatë seancave publike në këtë proces, kemi parë seriozitetin e mbrojtjes, duke sjellë personalitete me kredibilitet ndërkombëtar, të cilët, me dëshmitë e tyre, hodhën poshtë si të pavërteta pretendimet e akuzësa!
Përkundër faktit se mbrojtja e të akuzuarve nxori në shesh pafajësinë e plotë të Hashim Thaçit, Kadri Veselit, Rexhep Selimit dhe Jakup Krasniqit, njëanshmëria e trupit gjykues paraqet brengën më serioze që duhet të kemi si qytetarë të Kosovës.
Nuk mund të ketë shembull më të qartë për njëanshmërinë e vendimeve të Dhomave të Specializuara të Kosovës në Hagë, sesa fakti që bëri publik z. Luka Misetiq, avokat i ish-presidentit të Kosovës, Hashim Thaçi: “Paneli i Apelit i Dhomave të Specializuara të Kosovës deri tani ka miratuar 3 apele të prokurorisë nga 3 të shqyrtuara (që do të thotë MIRATIM 100% I KËRKESAVE TË PROKURORISË) dhe ka refuzuar 44 apele të mbrojtjes, nga 44 të shqyrtuar (që do të thotë REFUZIM 100% I KËRKESAVE TË MBROJTJES.
Të nderuar drejtues të PDK-së,
Në këtë kontekst, po e përsëris apelin e para disa ditësh:
Të gjitha divergjencat ndërpartiake duhet të lihen anash dhe në mënyrë konsensuale të bashkohen rreth një qëllimi: Kuvendi i ri të zhbëjë Dhomat e Specializuara dhe Zyrën e Prokurorit të Specializuar dhe të shpallë të papranueshëm vendimet e ndikuara politikisht nga sajesat e Shërbimit Sekret të Serbisë.
Ky vendim i Kuvendit të Kosovës, si institucion që krijoi Dhomat e Specializuara dhe Zyrën e Prokurorit të Specializuar, do të ishte vendimi më i drejtë për të ndërprerë padrejtësitë që janë gatuar nga qarqe politike dhe që janë duke marrë kohë për ta maskuar me petkun e institucioneve të drejtësisë.
Nëse do të arrihej një konsensus ndërpartiak rreth kësaj çështjeje, jam i sigurt se mbajtja peng e Hashim Thaçit, Kadri Veselit, Rexhep Selimit dhe Jakup Krasniqit do t’i kishte ditët e numëruara.
Prandaj mendoj se, si drejtues të PDK-së, ju duhet të mbështetni të gjitha propozimet e partisë fituese (Lëvizjes Vetëvendosje), me kusht që bashkërisht të zhbëhen Dhomat e Specializuara dhe Zyrën e Prokurorit të Specializuar, vendimet e së cilave përpiqen të zhbëjnë shtetësinë e Kosovës.

T� tjera
-
Veturat e Policisë ende me goma të verës? Ibishi: Sezoni nuk pret
Eksperti i sigurisë, Nuredin Ibishi, ka kritikuar mungesën e gomave për vetur...
-
Komandanti i KFOR’it Vergori në Tiranë: Po vazhdojmë optimizimin e forcave, procesi mund të kthehet prapa nëse rrezikohet siguria
Komandanti i KFOR’it, Roberto Vergori, ka marrë pjesë në takimin e 14-të të S...
-
Nisma e re legjislative për ligjin për Specialen/ Bajraktari: Synimi kryesor do të duhej të ishte kthimi i selisë së kësaj Gjykate në Kosovë
Avokati Ardian Bajraktari ka shkruar lidhur me nismën e re ligjore sa i ëprke...
-
Lansohet Sistemi i Pagesave të Shpejta, paratë do të transferohen brenda pak sekondash
Qeveria e Kosovës ka njoftuar për lansimin e Sistemit të Pagesave të Shpejta,...
-
Incidenti jashtë shtëpisë së Jakup Krasniqit, pjesëtari i EULEX-it dyshohet se ia drejtoi armën një familjari
Jakup Krasniqi ka përfunduar edhe vizitën e tretë me radhë në shtëpinë e tij ...
-
IKSHPK bën thirrje për vaksinimin e fëmijëve kundër fruthit: Mund të shkaktojë komplikime serioze, madje edhe vdekje
Instituti Kombëtar i Shëndetësisë Publike të Kosovës, ka bërë thirrje për vak...
-
Mrekullia e kësaj vitamine për organizmin, ja përfitimet e jashtëzakonshme që mund të sjellë për shëndetin tuaj
Omega-3 është një nga përbërësit e rëndësishëm për organizmin e njeriut, pasi...
-
Arrestohet një polic në Kllokot, IPK zbulon dyshimet se në çfarë rasti u përfshi
Hetuesit e Inspektoratit Policor të Kosovës kanë arrestuar një zyrtar policor...
-
BQK lanson Sistemin e Pagesave të Shpejta, Kurti: Rëndësia e tij, përtej avancimit teknologjik
Kryeministri i Republikës së Kosovës, Albin Kurti, mori pjesë në lansimin e S...
-
KEK-u arrin marrëveshje me sindikatat, të gjithë punëtorët do të përfitojnë bonus
Korporata Energjetike e Kosovës ka njoftuar se sot është zhvilluar një takim ...
-
Ganimete Musliu vlerëson kontributin e Prof. Dr. Kimete Canajt në ruajtjen e trashëgimisë albanologjike
Deputetja e Partisë Demokratike të Kosovës, Ganimete Musliu, ka marrë pjesë n...
-
Përfundon vizita e ditës së tretë e Jakup Krasniqit në shtëpinë e tij
Ka përfunduar vizita e ditës së tretë e ish-kryetarit të Kuvendit të Kosovës,...

































