Kërkesa e Mitrovicës së Veriut dhe Leposaviqit për t’u kyçur në sistem të rrymës, flasin nga ZRRE
Autori: Gazeta inFokus 18:18 | 01 June 2023
Kërkesat e dy komunave veriore, Mitrovicës së Veriut dhe Leposaviqit, për kyçje në sistem dhe pagesën e energjisë elektrike për të gjitha institucionet e sektorit publik në këto komuna, po shqyrtohen nga Zyra e Rregullatorit të Energjisë. ZRRE thotë se është duke i ndërmarrë të gjitha veprimet e duhura ligjore që janë nën kompetencën e saj. Dy komunat e tjera, Zubin Potoku dhe Zveçani, ende s’kanë kërkuar diçka të tillë.
Pak ditë pas marrjes së detyrës, kryetarët e sapozgjedhur të komunave veriore, u janë drejtuar me kërkesa zyrtare Zyrës së Rregullatorit të Energjisë dhe KOSTT’it, për energjinë e shpenzuar në këto komuna.
Kryetari i Mitrovicës së Veriut, Erden Atiq dhe ai i Leposaviqit, Lulzim Hetemi, kanë kërkuar nga këto institucione që t’i kyçin në sistem për të nisur pagesën e rrymës elektrike, në institucionet publike të komunës.
Atiq ka kërkuar që kjo të bëhet sa më shpejt.
“Kërkoj prej jush që të filloni sa më parë të ndërmerrni veprimet e nevojshme për kyçjen e të gjitha këtyre institucioneve, në mënyrë që komuna të mund të fillojë pagesën e energjisë së konsumuar”, thuhet në kërkesën e Atiq.
Ata kanë kërkuar nga autoritetet që t’i njoftojnë edhe për borxhin e grumbulluar të rrymës së shpenzuar.
“Sot ju drejtova KOSTT dhe ZRRE për të kyçur institucionet tona publike komunale në mënyrë që të fillojë pagesa e rregullt e energjisë elektike. Po ashtu autoritet duhet të na njoftojnë me borxhin e grumbulluar të rrymës së shpenzuar në mënyrë që t’i shlyejmë ato detyrime”, ka shkruar Hetemi.
Nga Zyra e Rregullatorit për Energjisë kanë deklaruar për Gazetën Express se po shqyrtojnë këto kërkesa dhe se janë duke ndërmarrë të gjitha veprimet e duhura ligjore që janë nën kompetencën e ZRRE-së.
“Zyra e Rregullatorit për Energji, ka pranuar kërkesa zyrtare nga Kryetari i Komunës së Mitrovicës së Veriut dhe Kryetari i Komunës së Leposaviqit. Kërkesa e kryetarëve ka të bëjë me ndërmarrjen e veprimeve të nevojshme lidhur me kyçjen dhe pagesën e energjisë elektrike për të gjitha institucionet e sektorit publik të cilat bien në kompetencën e nivelit lokal. Zyra e Rregullatorit për Energji është në proces të shqyrtimit të kësaj kërkese dhe është duke i ndërmarrë të gjitha veprimet e duhura ligjore që janë nën kompetencën e ZRRE-së”, kanë deklaruar nga ZRRE.
Për dallim nga Mitrovica e Veriut e Leposaviqi, dy komunat e tjera veriore nuk kanë bërë ende kërkesë për t’u kyçur në sistem.
“ZRRE-ja nuk ka pranuar kërkesa nga kryetarët e Zubin Potokut dhe Zveçanit”, thuhet në përgjigjen e ZRRE’së.
Gazeta Express ka provuar të marrë edhe një përgjigje nga KOSTT’i, por deri në momentin e publikimit të tekstit, s’kanë kthyer përgjigje.
Ndryshe, për 18 vjet me radhë, rrymën që kanë shpenzuar qytetarët në pjesën veriore të Kosovës – të banuar me shumicë serbe – e kanë paguar qytetarët e pjesëve të tjera të vendit.
Vlera e rrymës së shpenzuar gjatë vitit 2022 në katër komunat me shumicë serbe në veri të Kosovës, është mbi 63 milionë euro.
Në vitin 2021, kjo vlerë ka qenë rreth 42 milionë euro, e sipas një kalkulim të Institutit GAP rezulton se në periudhën 2010-2020, qytetarët në veri kanë shpenzuar mbi 132 milionë euro energji elektrike.
Shpenzimet janë paguar deri në vitin 2017 nga qytetarët e komunave të tjera të Kosovës e pastaj nga KOSTT dhe Qeveria e Kosovës.
Refuzimi për të paguar rrymën ka ardhur si pasojë e mosbindjes qytetare por edhe ndikimit të strukturave të ndryshme në veri, që kanë operuar nën dirigjimin e Serbisë.
Për t’i shlyer këto borxhe, qytetarët e pjesëve të tjera të Kosovës, kanë paguar fatura për 3.5 përqind më të shtrenjta.
Nga viti 2017 e këndej, Gjykata Kushtetuese e Kosovës e ka kaluar përgjegjësinë e pagesës te institucionet e vendit. Po atë vit, Gjykata e Apelit ka kërkuar që konsumatorët që kanë paguar rrymën e shpenzuar në veri për 18 vjet, të kompensohen.
Më 18 prill, Gjykata Supreme e ka refuzuar kërkesën e ZRRE’së që të rishshyrtohet aktgjykimi i Apelit, duke thënë se konsumatorëve duhet t’u rikthehen mjetet.
Se kur dhe si do të bëhet kjo, nuk ka ende asnjë informatë zyrtare
Të tjera
-
Sot u mbajt pjesa e dytë e Testit të Arritshmërisë, MAShTI: Edhe këtë herë u larguan disa nxënës pasi përdoren telefona
Ministria e Arsimit, Shkencës, Teknologjisë dhe Inovacionit ka thënë se sot ë...
-
Për herë të parë vendoset njëra nga tabelat identifikuese e KOSTT në Vallaç të Zveçanit
Operatori i Sistemit, Transmisionit dhe Tregut të energjisë elektrike të Koso...
-
FSK-ja përfundon me sukses tri kurse specialistike
Në Komandën e Doktrinës dhe Stërvitjes (KDS) me një ceremoni të përbashkët ka...
-
Çitaku e quan lajm të mirë ndalimin e Tik-Tok, thumbon pak Qeverinë Kurti
Sekretarja e Përgjithshme e Partisë Demokratike të Kosovës, Vlora Çitaku, ka ...
-
Momenti kur arrestohet një serb në Gazimestan
Policia e Kosovës e ka arrestuar një serb sot në Gazimestan. I njejti është p...
-
Policia sekuestron 190 motoçikleta në Pejë
Drejtoria Rajonale e Policisë në Pejë është vënë në ndjekje të motoçiklistëve...
-
Petkoviq: Nuk pres asgjë nga takimi i 2 korrikut
Drejtori i të ashtuquajturës Zyra për Kosovën në Qeverinë e Serbisë, Petar Pe...
-
Qeveria e Kosovës ndalon Tik-tok-un në rrjetet shtetërore të komunikimit dhe pajisjet zyrtare
Qeveria e Kosovës ka votuar sot për ndalimin e përdorimit të Tik-Tok në rrjet...
-
Kurti: Vuçiq s’ishte i gatshëm as për nënshkrim, as për tërheqjen e letrës së Bërnabiqit, as për dorëzimin e Radoiçiqit
Kryeministri Albin Kurti, siç bën zakonshëm kur kthehet nga Brukseli, nisi mb...
-
Festimi i Vidovdanit në Kosovë pa incidente
Në Gazimestan, një monument historik rreth 10 kilometra larg kryeqytetit të K...
-
Vendi ku po shet toka me çmimin e një kafeje
Shpesh ka pasur njoftime për shtëpi në shitje në Evropën Jugore e kryesisht n...
-
ATK rrit monitorimin për kupon fiskal
Administrata Tatimore e Kosovës përmes një komunikate për media ka bërë të di...