KE konfirmon: Liberalizimi i vizave s’vlen për pasaportat që lëshon Serbia
![](https://gazetainfokus.com/wp-content/uploads/2023/04/pasaporta-1-600x360-1.webp)
Autori: Gazeta inFokus
17:22 | 21 April 2023
Liberalizimi i vizave që u miratua për Kosovën, vlen vetëm për poseduesit e pasaportës së Kosovës, por jo edhe për ata shtetas të Kosovës që kanë pasaporta të lëshuara nga autoritetet serbe, konfirmuan zyrtarë të Komisionit Evropian.
Zëdhënësja Anita Hipper tha në një deklaratë me shkrim për Radion Evropa e Lirë se “regjimi i vizave do të mbetet i vlefshëm vetëm për ata shtetas në Kosovë, pasaportat e të cilëve lëshohen nga Administrata Koordinuese e Ministrisë së Punëve të Brendshme të Republikës së Serbisë”.
Serbët në Kosovë janë përjashtuar nga liberalizimi i vizave edhe kur Serbisë i janë hequr ato në vitin 2009.
Megjithatë, nga Komisioni Evropian thanë se po punojnë që të gjithë qytetarët e rajonit të Ballkanit Perëndimor ta gëzojnë lirinë e lëvizjes në atë që njihet si zona Schengen dhe përbëhet prej dhjetëra shtetesh evropiane.
“Derisa ecim përpara me liberalizimin e vizave për Kosovën, BE-ja është e vendosur të sigurojë që të gjithë qytetarët e Ballkanit Perëndimor të përfshihen në regjimin pa viza të BE-së, me kusht që ekzistojnë rrethanat për udhëtim të sigurt”, tha Hipper.
Pas nënshkrimit të aktit ligjor për liberalizimin e vizave për Kosovën, më 19 prill, raportuesi për viza i Parlamentit Evropian, Thijs Reuten, tha po ashtu se heqja e vizave vlen vetëm për pasaportat e Kosovës.
“[Legjislacioni] është formuluar goxha me kujdes, ashtu siç thuhet, asgjë më shumë, asgjë më pak: qytetarët e Kosovës me dokument të lëshuar nga autoritetet e Kosovës mund të udhëtojnë lirshëm”, tha ai.
Vendimi për lëvizje të lirë për qytetarët e Kosovës pritet të hyjë në fuqi nga 1 janari i vitit 2024.
Qytetarëve të Serbisë me adresë banimi në Kosovë, pasaportat ua lëshon Administrata Koordinuese, e cila funksionon në kuadër të Ministrisë së Brendshme të Serbisë.
Në vitin 2009, Serbia është dashur ta formojë këtë organ për të siguruar liberalizimin e vizave për vete.
Para kësaj kohe, shtetasit serbë me banim në Kosovë i kanë marrë pasaportat në Drejtoritë e Policisë, të cilat Beogradi zyrtar i ka zhvendosur në qytetet e Serbisë, pas luftës në Kosovë më 1999.
Kosova nuk i njeh këto pasaporta, sepse konsideron se ato lëshohen nga “institucione paralele ilegale”
![](https://gazetainfokus.com/wp-content/uploads/2024/04/gatuaj-shqip1.jpg)
Të tjera
-
Një orë pritje për të dalë nga Kosova nga pikëkalimet kufitare në Merdarë dhe te Dheu i Bardhë
Nga një orë po zgjasin pritjet për dalje nga Kosova, përmes pikave kufitare n...
-
Hoxhaj për vizitën e Burns: Tregon se ShBA s’flet për Kosovën në rajon pa e vizituar
Nënkryetari i Kuvendit dhe anëtari i Kryesisë së PDK-së, Enver Hoxhaj e ka qu...
-
Biden bisedon me Zelenskyn, e njofton për ndihmë të re ushtarake për Ukrainën
Presidenti i Shteteve të Bashkuara, Joe Biden, bisedoi në telefon me presiden...
-
Kontingjenti i Ushtrisë Bullgare, certifikohet për të marrë pjesë në KFOR
Një kontingjent i Forcave të Armatosura Bullgare është certifikuar për të mar...
-
Një 53-vjeçar gjendet i vdẹkur afër një kompleksi banesor në Ferizaj, Policia jep detaje
Një 53-vjeçar është gjetur i vdekur në afërsi të një kompeksi banesor në Feri...
-
Stano: Inkurajojmë Kosovën që të miratojë masa që munësojnë që serbët të pajisen me patentë shoferë
Bashkimi Evropian e mirëpret çdo veprim të autoriteteve kosovare që u mundëso...
-
Gjysmë ore pritjet në Muçibabë
Pritjet për dalje nga Kosova përmes pikës kufitare në Muçibabë për momentin p...
-
3 mijë e 712 kosovarë shkuan për të jetuar në Shqipëri në vitin 2023, kryesisht për bashkim familjar
Shqipëria sa vjen e po bëhet një vend i preferuar nga të huajt për të...
-
BQK: Ekonomia e Kosovës pritet të rritet me 3.9 për qind gjatë vitit 2024
Banka Qendrore e Kosovës ka njoftuar projeksionin e tyre në lidhje me rritjen...
-
Vizita e shefit të CIA-s, Hamiti: Mund të jetë diskutuar gjendja në veri
Anëtari i Kryesisë së LDK-së Muhamet Hamiti, thotë se gjatë takimeve që pati ...
-
Fundjava e nxehtë, kryesisht me diell
Mot i nxehtë parashihet në vend përgjatë fundjave, kryesisht me diell. He...
-
Kurti takohet me Ambasadorin Rohde, flasin për zhvillimet e fundit në vend e projektet zhvillimore
Kryeministri Albin Kurti ka pritur sot pasdite në një takim Ambasadorin e Gje...