Gjatë prillit policia ka shqiptuar 370 fletëparaqitje atyre që nuk e kanë respektuar ditën e e kuqe të semaforëve.

Për të shtuar sigurinë në trafik,  Njësiti Rajonal i Komunikacionit Rrugor në Prishtinë  në bashkëpunim me Drejtorinë Rajonale të Policisë ka aktivizuar edhe këtë javë planin e veprimit “Mosrespektimi i Dritës së Kuqe të Semaforit dhe Rreshtimi i Gabuar”.

Ky plan operativ kishte filluar dy javë më parë, por për shkak të numrit të madh të shkelësve të këtyre rregullave, policia ka vendosur ta vazhdojë atë.

-Advertisement-

Milaim Fejzullahu, komandanti i Trafikut Rajonal në Komunën e Prishtinës tha për KALLXO.com se në javët e kaluara nga ky plan janë shqiptuar 370 fletëparaqitje.

‘Ky riaktivizim është bërë për shkak se me vëzhgimet tona sistematike është vërejtur një numër i konsiderueshëm i shoferëve të cilit nuk i respektojnë rregullat për respektimin e dritës së kuqe dhe rreshtimin të duhur në komunikacion”,  tha Fejzullahu.

Në bazë të planit, policë me rroba civile janë të  vendosur afër udhëkryqeve me semaforë për të fotografuar shoferët që hyjnë në të kuqen.

“Fotografitë të cilat bëhen nga ana e policëve bashkëngjiten me fletëparaqitjen dhe dërgohen në gjykatë. Metoda e fotografimit  është bërë me qëllim që kundërvajtësve t’u ofrohet shkelja me dëshmi”, tregon Fejzullahu.

Ai shtoi se ky plan i veprimit do të vazhdojë për një javë rresht duke vepruar në qytet dhe rrugë tjera rajonale ku janë të vendosur semaforët dhe se qëllimi kryesor është veprimi preventiv si dhe veprimi ligjor ndaj kryerësve të kundërvajtjeve.

Habib Qorri , zyrtar për Shërbimet Publike në Prishtinë tha se komuna po investon vazhdimisht në bazë të buxhetit për projekte  të mobilitetit dhe sigurisë në trafik.

“Komuna në kuadër të rregullimit te qytetit dhe ngritjes së sigurisë në trafikun rrugor ka planifikuar dy pozicione buxhetore të cilat do të ndikojnë në rritjen e sigurisë, e në veçanti për pjesëmarrës në trafikun rrugor”,  tha Qorri për KALLXO.com.

Sipas Qorrit, njëri nga këto pozicione lidhet me ndërtimin e semaforëve dhe pajisjeve për siguri ku hyjnë edhe kamerat, ndërsa tjetri ka të bëjë me vendosjen e kamerave të sigurisë në qytet.

Për këto dy projekte nga ana e komunës janë planifikuar 120,000 euro, por kostoja e saktë e tyre do të bëhet e ditur tyre bëhet e ditur pas procedurave ofertuese dhe konkurruese .

Habib Qorri bëri të ditur se kamerat e sigurisë do të vendosen në udhëkryqet me frekuentim të madh të automjeteve dhe këmbësorëve, si dhe në kryqëzime të shumë rrugëve.

“Udhëkryqet te Mensa e Studentëve dhe te katedralja janë më të nevojshme, për shkak se janë shumë të ngarkuara me frekuentim si dhe kryqëzim nga të katër anët. Është karakteristike se janë udhëkryqe që kanë hyrje dhe dalje nga qyteti dhe shumë gjëra që ndikojnë në siguri mund të përcillen përmes këtyre kamerave”, tha Qorri.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-