Kapet kosovarja që vidhte kartelat e klientëve në Zvicër
![](https://gazetainfokus.com/wp-content/uploads/2021/10/kartela-850x567-780x470-1-696x419-1.jpg)
Autori: Gazeta inFokus
08:27 | 26 October 2021
Ajo ka shpenzuar mbi 10 mijë franga të vjedhura për të blerë produkte luksoze, rroba, produkte kozmetike etj. Dënohet me gjobë me kusht.
Një grua 34 vjeçe, e punësuar si pastruese në Winterthur (Kantoni i Cyrihut), kishte fotografuar kartat e kreditit të klientëve të saj, për të blerë pastaj me to online.
Gjatë dhjetë muajve, sa ka zgjatur “afera” ajo ka blerë sende luksoze me vlerë prej disa mijëra frangash.
Rasti ka ndodhur kështu: Kosovarja kishte hapur fshehurazi një sirtar tavoline në zyrën e një klienti dhe aty kishte gjetur një kartë krediti, shkruan Tages Anzeiger.
Me celularin e saj, ajo kishte fotografuar kartën në fjalë dhe më vonë ka përdorur të dhënat për të blerë përmes internetit. Në këtë mënyrë ajo ka shpenzuar mbi 10 mijë franga (para të huaja) për të blerë produkte luksoze, rroba, produkte kozmetike dhe pilula diete.
Për më tepër, midis korrikut të vitit 2019 dhe prillit 2020, ajo ka vjedhur të dhënat e kartës së kreditit të gjashtë klientëve të saj, raporton gazeta.
Për këtë delikt, 34 vjeçja është gjykuar javën e kaluar në Gjykatën e Qarkut Winterthur.
Vendimi: Një dënim me para, me kusht prej 12,060 CHF plus një gjobë prej 500 CHF. Por kjo jo vetëm për vjedhjen e kartës së kreditit.
Dënimi, për gruajn e cila jeton në Zvicër që në moshën dymbëdhjetëvjeçare, i është dhënë edhe për faktin se ka ushtruar shtrëngim mbi njërin nga klientët e vjedhur, përcjell albinfo.ch. Kur ai e ka vënë re mashtrimin, kosovarja i ka shkruar dy mesazhe duke e kërcënuar se do të vriste veten nëse ai do të njoftonte policinë.
Më tutje, ajo akuzohej se ka marrë përfitime të paligjshme të ndihmës sociale prej rreth 20,000 CHF para se t`i kryente vjedhjet e përmendura me karta krediti.
Ajo ishte e regjistruar në zyrën e papunësisë, pra ka marrë të ardhura aty edhe pse gjatë asaj kohe ka punuar në dy kompani.
Kosovarja ka pranuar veprën por ka thënë: “Nuk e di përse dhe si e bëra këtë gjë. Nuk e kam bërë me qëllim”.
Ajo shpresonte se të dëmtuarit do ta falnin dhe se mund t’ua kthente paratë.
Sipas mbrojtjes së saj, gruaja është e punësuar me orar të plotë si shitëse që nga shtatori dhe deri më tani ka paguar 100 franga.
Gjykata e ka shpallur gruan fajtore për keqpërdorim mashtrues të kartave të kreditit dhe përfitimin e paligjshëm të ndihmave sociale.
Akuza për shtrëngim është rrëzuar për shkak se vepra nuk mundi të provohej sipas ligjit.
Kosovarja, e cila ka një djalë në moshën e shkollës fillore, i cili jeton me të atin, për pak i ka shpëtuar dëbimit nga vendi, transmeton albinfo.ch. Duke shqiptuar vendimi, gjyqtarja është shprehur se ky ishte shansi i saj i fundit. Nëse ajo kryen sërish veprime kriminale, nuk do të falet më.
![](https://gazetainfokus.com/wp-content/uploads/2024/03/1.jpg)
Të tjera
-
Ish-presidentja Jahjaga darkon me admiralin Munsch: E falënderova për kontributin e KFOR-it
Ish-presidentja e vendit, Atifete Jahjaga, ka darkuar sonte me admiralin Stua...
-
Begaj apel ambasadorëve dhe konsujve: Kosova duhet të mbështetet në çdo rrethanë
Presidenti i Shqipërisë, Bajram Begaj u ka bërë apel ambasadorëve dhe konsujv...
-
“Angazhimi im politik ka pasojë, rezultat dhe pikënisje luftën në Kosovë” – Rrëfimi i Dardan Molliqajt
Aktivisti dhe politikani Dardan Molliqaj, ka folur mbi fillet e angazhimit të...
-
Molliqaj: Kurti nuk e përjeton Kosovën, familjen dhe pronat i ka në Norvegji
Kryetari i PSD-së, Dardan Molliqaj, tha se kryeministri i vendit, Albin Kurti...
-
Gashi: S’kemi menduar asnjëherë për hakmarrje ndaj UDB-ashve shqiptarë edhe pse s’u penduan kurrë
Ish i burgosuri politik, Ramadan Gashi, në “Debat Plus”, ka rrëfyer për tortu...
-
“Tri lajme, tri dështime” – Besnik Tahiri thotë se qeveria Kurti mori besimin qytetar si akt shprese, doli dëshpërim
Besnik Tahiri, shefi i Grupit Parlamentar të Aleancës për Ardhmërinë e Kosovë...
-
Edhe tri ditë kohë për koalicionet parazgjedhore
Partitë politike që do të garojnë për zgjedhjet e 9 shkurtit kanë edhe tri di...
-
“Një trim e burrë i zoti dhe personalitet shumë i respektuar” Hoxhaj lartëson veprën e Ramë Bllacës
Nënkryetari i Kuvendit të Kosovës nga radhët e PDK-së, Enver Hoxhaj ka thënë ...
-
Gjenden nëntë mjete shpërthyese në një oborr shtëpie, flet pronari
Në një oborr të një shtëpie në Livadicë të Podujevës janë gjetur nëntë mjete ...
-
Ushtarët italianë dhe kroatë patrullojnë rreth kufirit, KFOR-i njofton për operacionin
Ka përfunduar operacioni njëzetekatër orësh i kryer nga Batalioni Lëvizës i K...
-
“Sfidë mungesa e informacioneve të besueshme” – Mbi 1600 të zhdukur, komisioni flet për sfidat
Të premten shënohet Dita Ndërkombëtare për Personat e Zhdukur. Kjo ditë edhe ...
-
Identifikohen dhe shpallen në kërkim dy persona të tjerë pas sherrit në Palasë
Dy persona të tjerë janë vënë në kërkim nga Policia e Shtetit, pas një sherri...