Lajme

Kabineti i Qeverisjes së Mirë, PDK miraton strukturën dhe ka përcaktuar përbërjen e departamenteve të këtij Kabineti

Autori: Gazeta inFokus 17:14 | 13 April 2022

Kryesia e Partisë Demokratike të Kosovës ka mbajtur sot mbledhjen e radhës ku ka marrë disa vendime me rëndësi.

Pas aprovimit të rregullores për organizim dhe funksionim të Kabinetit të Qeverisjes së Mirë, nga Këshilli Drejtues, sot, Kryesia ka miratuar strukturën e Kabinetit për Qeverisje të Mirë, duke përcaktuar përberjen e Departamenteve të KQM-së dhe dikasteret që do të jenë pjesë e tyre.

Po ashtu, është emëruar Komisioni për organizim të PDK-së në mërgatë, i përbërë nga 11 anëtarë dhe i udhëhequr nga deputeti Elmi Reçica, që do të vazhdojë punën e bërë nga ish Deparamenti për Diasporë.

-Advertisement-

Në kuadër të këtij angazhimi të shtuar për riorganizimin e PDK-së në mërgatë, Kryesia vendosi që PDK në Gjermani të organizohet në 6 degë të veçanta, si në vijim: 1. Bavaria – Thuingen, 2. Baden – Wurttemberg, 3. Rheinland Pfalz, Hesse dhe Saarland, 4. Nordrhein Westfalen, 5. Bremen Niedersachsen – Schleswig Holstein – Mecklenburg Vorpommern, 6. Berlin – Brandenburg – Sachesen Anhalt – Sachsen. Po ashtu, këto Degë në Gjermani do të kenë nëndegë në secilin qytet ku jetojnë bashkeatdhetarët në Gjermani.

Në vazhdën e reformave dhe të konsolidimit të Partisë Demokratike të Kosovës, në pajtim me vendimin e mbledhjes së fundit të Këshillit Drejtues, si dhe në bazë të nenit 31 të statutit, Kryesia e PDK-së ka vendosur që të caktoj udhëheqësinë e përkohshme në Degën e PDK-së në Kamenicë, me kryetar z. Granit Berisha, e cila ka përgjegjësi të konsolidoj të gjitha strukturat e degës deri në mbajtjen e zgjedhjeve të rregullta në PDK.

Përveç vendimeve të marra, Kryesia e Partisë Demokratike të Kosovës ka diskutuar sot edhe për zhvillimet e fundit politike në vend, ku PDK si lidere e opozitës po luan rolin e saj demokratik në mbikqyrjen e punës së qeverisë dhe ofrimin e alternativave për të gjitha çështjet me rëndësi për vendin.

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme