Sport

Juventusi hap bisedimet me yllin e Sassuolos

Autori: Gazeta inFokus 10:32 | 28 Dhjetor 2021

Sipas “Gazzetta dello Sport”, gjigandi italian Juventus ka hapur bisedimet për të nënshkruar me sulmuesin e Sassuolos Gianluca Scamacca këtë afat kalimtar të transferimeve në janar.

“Zonja e Vjetër” deri tani ka arritur të regjistrojë vetëm 27 gola në 19 ndeshje të Serie A këtë sezon, dhe raportohet se është në kërkim të një sulmuesi, përcjell KosovaPress.

Spekulohet se trajneri Massimiliano Allegri e dëshiron me çdo kusht yllin e Sassuolos, dhe do të kërkojë me çdo kusht që një marrëveshje të arrihet në janar.

-Advertisement-

Krerët e Juventusit thuhet se janë duke ofruar vetëm 35 milionë euro për Scamaccan, ndërkaq Sassuolo është duke kërkuar afro 40 milionë euro.

Si pasojë e kësaj, gjigandi i Serie A është duke planifikuar që të nënshkruajë me Scamaccan në formë huazimi, me opsionin ose obligimin për ta blerë në fund të huazimit.