Lajme

Jusuf Azemi: Joligjore ngritja e pagës minimale, ajo të jetë 400 euro

Autori: Gazeta inFokus 14:25 | 13 April 2022

Qeveria e Kosovës ka miratuar projektligjin e propozuar nga ministria e Financave që ka të bëjë me plotësimin dhe ndryshimin e ligjeve që i hap rrugë rritjes së pagës minimale në 250 euro neto apo 264 euro bruto, ku më pas do të dërgohet në Kuvend për t’u votuar.

Këtë nga Sindikata e Sektorit Privat e quajnë joligjore.

Kjo për shkak se propozimi i pagës minimale duhet të merret nga Këshilli Ekonomik Social, por Qeveria nuk është duke e bërë këtë.Kështu thotë për Front Online, kryetari i kësaj sindikate, Jusuf Azemi.

-Advertisement-

“Në qëndrimet tona nuk kemi asnjë ndryshim, paga minimale duhet të jetë 400 euro, unë e përsërisë që paga minimale nuk kalon përmes Qeverisë së Kosovës, paga minimale është raporti përmes punëmarrësit dhe punëdhënësit, dhe kjo shifër që ne po flasim kjo po shkon shumë dhe nuk do të merremi me të, sepse edhe deri te ardhja e propozimit në Parlament të Kosovës që të ketë pagë 250 euro neto, është një procedurë joligjore pasi që Këshilli Ekonomik Social është ai që propozon për pagën minimale, ky vendim nuk është marrë në Këshill Social”, thotë ai.

Pavarësisht kësaj, Azemi thotë kjo nuk i shqetëson, pasi siç thotë ai, pronarët po pajtohen të i ngrisin pagat 400 euro.

“Neve nuk na shqetëson, ne i kemi çështjet tona, çështja në treg po na shkon jashtëzakonisht shumë mirë, pronarët e kompanive nuk e kanë problem pagën 400 euro, meqë po themi se mungon fuqia punëtore, dhe jemi ku jemi”, tha ai për Front Online.Ky projektligj do të rregullojë edhe shkallën tatimore të pagës minimale për personat që marrin rreth 250 euro në muaj.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme