Sport

Jurgen Klopp tregon se a do të bëhet trajner i kombëtares së Gjermanisë

Autori: Gazeta inFokus 17:11 | 09 March 2021

Gjatë ditës së martë Federata e Futbollit e Gjermanisë ka njoftuar opinionin publik se trajneri, Joachim Löw, do të largohet nga kombëtarja gjermane, shkruan Gazeta inFokus.

Joachim Löw do të largohet pas 16 viteve, pas përfundimit të Kampionatit Evropian “EURO 2020” që për shkak të pandemisë ‘Covid-19’ do të mbahet në verën e vitit 2021.

Pas lajmit se Löw do ta lenë kombëtaren gjermane, menjëherë është pyetur trajneri i Liverpoolit, Jurgen Klopp, se a do të bëhet trajner i Gjermanisë.

-Advertisement-

I menjëhershëm ka qenë reagimi i trajnerit gjerman, i cili e ka refuzuar kategorikisht një mundësi që ai ta drejtoj kombëtaren e Gjermanisë.

Klopp ka thënë se ka kontratë edhe tri vite me Liverpoolin dhe do ti përmbahet asaj sikur me Mainzin e Dortmundin.

“Unë nuk do të jem në dispozicion si trajner i mundshëm për ekipin gjerman. Kam tre vjet në LFC, apo jo? Është e thjeshtë. Ju nënshkruani një kontratë dhe i përmbaheni asaj kontrate. Unë iu përmbajta kontratave në Mainz dhe Dortmund”, deklaroi Klopp.

Jurgen Klopp aktualisht drejton skuadrën e Liverpoolit, ekip me të cilin e ka fituar Premierligën, Ligën e Kampionëve dhe Superkupën e Botës për Klube./Gazeta inFokus/

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera