Sport

Jurgen Klopp flet pas lajmeve për shkarkimin e tij nga Liverpooli

Autori: Gazeta inFokus 17:07 | 15 February 2021

Liverpooli po kalon në krizë të rezultateve, ku në tri takimet e fundit në Premierligë ka pësuar tri humbje, shkruan Gazeta inFokus.

‘The Reds’ tashmë kanë humbur garën për titull dhe fokusi do të jetë në Ligën e Kampionëve.

Pas rezultateve të ndeshjeve të fundit, në media të ndryshme ka pasur zëra se Jurgen Klopp mund të shkarkohet nga pozita e trajnerit.

-Advertisement-

Lidhur me këto lajme ka reaguar vet Klopp, i cili ka thënë se këto fjalët për shkarkimin e tij janë vetëm spekulime.

“Spekulime se ndoshta do largohet ose pak pushim? Asnjëra nuk është e vërtetë. Nuk kam kohë për pushim. Të gjithë e dinë që jemi në një kohë të vështirë dhe gjithmonë ia kemi dal si familje 100 për qind. Jam 53 vjeçar, kam qenë në futboll për 30 vite, mund të ndalem, nuk më interesojnë gjërat përreth. Sigurisht na prekin disa gjëra që mund të ndodhin, por asgjë nuk është për t’u shqetësuar”, u shpreh ai.

Liverpooli ndeshjen e radhës në Premierligë e luan kundër rivalit lokal, Evertonit./Gazeta inFokus/

Subscribe në YouTube: GAZETA INFOKUSI