Sport

Joshua ka një premtim të madh për tifozët

Autori: Gazeta inFokus 16:48 | 25 October 2017

Boksieri britanik, Anthony Joshua ka premtuar edhe tre meçe të mëdha, në disa prej stadiumeve më të mëdha të futbollit në Angli.

Anthony Joshua do të ketë sfidën e dytë në ring këtë vit, pas përballjes spektakolare ndaj Wladimir Klitschkos në stadiumin “Wembley”, në muajin prill.

Pritja fenomenale prej 80 mijë tifozësh, që është parashikuar t’i bëhet sportistit në stadiumin e Cardifit, po e bind vet Joshuan dhe ekipin teknik që të ndeshet sërish në impiante futbolli.

-Advertisement-

Përveç sfidës së të shtunës ndaj Carlos Takam në Uells, kampioni i botës në WBA po planifikon 3 përballje të tjera emocionuese përballë një publiku të paimagjinueshëm në numër.

“E di që ka shumë njerëz, duke përfshirë dhe fëmijë, që duan të më shohin nga afër. Do të doja të ndeshesha në arenën ‘O2’ në Londër, por atje nuk do të kenë shumë mundësi të më shohin në ring. Stadiumet e mëdha janë një mundësi më e mirë. Është mirë për boksin dhe për tifozët, pasi kërkesa është e lartë”, tha boksieri britanik, shkruan Top Channel.

Anthony Joshua do të ketë sfidën e dytë në ring këtë vit, pas përballjes spektakolare ndaj Wladimir Klitschkos në stadiumin “Wembley”, në muajin prill.

Në fokusin e ekipit organizator janë “Emirates Stadium” i Arsenalit, në Londër, si dhe dy impiantet e qytetit të Manchesterit, “Old Trafford” dhe “Etihad Stadium”.

Subscribe në YouTube: GAZETA INFOKUSI