Lajme

Jo në Serbi, Haradinaj mund të ekstradohet në Shqipëri

Autori: Gazeta inFokus 11:53 | 26 April 2017

Kreu i AAK-së pritet të dalë të enjten para gjykatës në Colmar, e ku do të vendoset lirimi apo ekstradimi i tij në Serbi.

Por, presidenti i Shqipërisë, Bujar Nishni i dha dje nënshtetësinë shqiptare, gjë e cila sipas pedagogut të së drejtës penale ndërkombëtare, Ismet Salihu, Shqipëria mund të kërkojë ekstradimin e tij.

“Në rastet kur dy-tri shtete kërkojnë një person për të njëjtën vepër, atëherë përparësi ka shteti shtetësinë e të cilit e ka personi. Nëse vjen deri te kjo, Shqipëria ka të drejtë ta kërkojë ekstradimin”, tha Salihu për “Radio Kosovën”.

Në këtë mënyrë, sipas profesorit Salihu, Serbia nuk ka gjasa ta ekstradojë Haradinajn.

“Mundësia e ekstradimit në Serbi është zero, për shkak se sipas konventave ndërkombëtare, pengesë kryesore është nëse ai shtet nuk garanton gjykim të drejt, të paanshëm, të pandikuar politikisht”, tha Salihu.

Salihu gjithashtu i quan absurde akuzat e Serbisë, për faktin se sipas tij, pretendimet e shtetit serb ndaj Haradinajt janë zero, me krimet që Serbia i ka kryer në Kosovë gjatë viteve 1998-1999.

Nga ana tjetër, nënkryetari i Aleancës për Ardhmërinë e Kosovës Ahmet Isufi pret që në këtë seancë do të merret vendimi përfundimtar për kthimin e Haradinajt në Kosovë. /albeu.com/

Etiketa:
Kush janë analistët e sigurisë së informacionit?

Të tjera

Fokusi

lajme