Sport

Jetmir Krasniqi në Superligën e Zvicrës

Autori: Gazeta inFokus 13:07 | 16 January 2018

Superligës së Zvicrës vazhdojnë t’i shtohen futbollistë shqiptarë. Të hënën asaj i është bashkuar edhe mbrojtësi i djathtë, Jetmir Krasniqi.

23-vjeçari është transferuar nga Chiasso e kategorisë së dytë zvicerane, ndërsa ka firmosur për dy vjet, ka njoftuar sajti i Federatës së Futbollit të Zvicrës.

Krasniqi karrierën e ka nisur në Vaud, ndërsa më pas ka luajtur për Luasannen, Le Montin dhe në fund për Chiasson. Në vjeshtë kishte 16 paraqitje në kategorinë e dytë zvicerane.

-Advertisement-

Ai ka kaluar tri edicione e gjysmë në kategorinë e dytë zvicerane dhe tash do të sprovohet në Superligë. Mediat në Zvicër e Itali kanë bërë të ditur se Krasniqi ishte mjaft i kërkuar në afatin kalimtar të janarit. Skuadra nga Superliga e Zvicrës dhe e Serie B të Italisë kanë shprehur interesim për të. Krasniqi e ka zgjedhur Luganon që renditet e shtata në Superligë.

Në 19 ndeshje ka mbledhur 22 pikë. “E di që konkurrenca është shumë e fortë, por unë pres që të luaj në Superligë. Pas tre vjet e gjysmë në Challenge Cup, vlerësoj se jam i gatshëm për Superligën e Zvicrës”, ka thënë Krasniqi të hënën për gazetën. Ai aktualisht është i vetmi shqiptar te Lugano. Lugano ishte një prej dy klubeve të Superligës zvicerane pa lojtarë shqiptar. Superliga i numëron dhjetë ekipe, ndërsa tashmë vetëm Thuni nuk ka shqiptarë në përbërje.

“Nesër nisi stërvitjet, ndërsa kam zgjedhur Luganon para shumë klubeve të tjera. Frosinone, Perugia Ascoli janë skuadrat e Serie B që më kanë kërkuar. Në Zvicër oferta kam pasur nga Luzerni e Grasshoppersi. Por projekti i Luganos më ka pëlqyer më shumë, më kanë bindur drejtuesit e klubit”, ka thënë Krasniqi. Ai është rritur në Zvicër, ndërsa shpreson që kalimi te Lugano do të jetë hap drejt sigurimit të ftesës nga përfaqësuesja e Kosovës.

Subscribe në YouTube: GAZETA INFOKUSI