Lajme

Jeremiq: Pasi e pranoi dokumentin për të zhdukurit, Serbia do t’i paguaj miliarda Kosovës

Autori: Gazeta inFokus 09:23 | 10 April 2023

Kryetari i Partisë Popullore (PP) serbe, Vuk Jeremiq ka deklaruar se presidenti serb, Aleksandar Vuçiq, u përpoq të vendoset mbi popullin dhe të vendosë në emër të popullit për çështjet më të rëndësishme shtetërore, siç është integriteti territorial i vendit dhe e ardhmja e Serbisë.

“Referendumi për refuzimin e planit “franko-gjerman” për pavarësinë e Kosovës është e vetmja mënyrë për të parandaluar atë që Vuçiqi u pajtua verbalisht në Bruksel dhe Ohër, që është një plan që e ndan Kosovën në mënyrë të përhershme dhe të pakthyeshme nga Serbia”, ka thënë Jeremiq në Krushevc, ku folur me qytetarët që nënshkruan iniciativën e partisë së tij për mbajtjen e referendumit, transmeton Paparaci.

Jeremiq ka pretenduar se rezultatet e para negative të zbatimit të marrëveshjes tashmë janë të dukshme.

-Advertisement-

“Drejtori i Zyrës për Kosovën, Petar Petkoviq, është pajtuar me tekstin e deklaratës ku ceket se personat e zhdukur kanë qenë të zhdukur me dhunë gjatë luftës së vitit 1999. Kjo është pasoja e parë direkte e zbatimit të marrëveshjes “franko-gjermane”. Ky tekst lejon kërkesat për padi, sipas të cilave Serbia do të paguajë Kosovës dëmshpërblim në vlerë astronomike prej qindra milionë eurosh, ndoshta edhe miliarda”, ka pretenduar Jeremiq.

Jeremiq u bëri thirrje autoriteteve në Serbi që të publikojnë dokumentin të cilin Petkoviq ka pranuar në Bruksel.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme