Lajme

Jeremiq e “përshkruan” rrugën e normalizimit të marrëdhënieve Serbi-Kosovë

Autori: Gazeta inFokus 14:34 | 29 December 2017

Ish shefi i diplomacisë serbe, tash kryetar i Narodna Stranka, Vuk Jeremiq ka thënë se presidenti i Serbisë, Aleksandar Vuçiq, nuk do të ketë guxim ta përmbushë premtimin Perëndimit që e kishte sjellë në pushtet.

Vuciq nuk do të nënshkruajë Marrëveshjen juridike detyruese me Kosovën dhe për këtë arsye do ta humbasë mbështetjen që aktualisht e ka nga ai.

“Vuçiq me siguri do ta shtyjë kryeministren, Ana Bërnabiqin ta nënshkruajë marrëveshjen gjithëpërfshirëse të normalizimit të marrëdhënieve në të cilën do të shkruajë “Serbia dhe Kosova nuk do ta bllokojnë njëra -tjetrën në organizatat ndërkombëtare”.

-Advertisement-

Pas kësaj SHBA-ja do ta paraqesë Rezolutën në Këshillin e Sigurimit e pastaj Rusia, e cila ka të drejtë vetoje, zyrtarisht do ta pyesë Beogradin se si të votojë për atë propozim. Ky do të jetë momenti i vërtetë, jo për Ana Bërnabiqin, por për Vuçiqin”, ka thënë Jeremiq për revistën “Vreme”.

Vuk Jeremiq, i cili në vitin 2012 ka qenë kryetar i Asamblesë së Përgjithshme të Kombeve të Bashkuara, kishte thënë “se Kosova vetëm mbi trupin e tij të vdekur do të hynte në OKB”

Subscribe në YouTube: GAZETA INFOKUSI