Lajme

Jashari: Personat me aftësi të kufizuara të ndihen të barabartë

Autori: Gazeta inFokus 14:36 | 21 March 2018

Në kuadër të shënimit të Ditës Botërore të Sindromës Down nën moton “Kosovë më mbështet, fuqizo të drejtën time”, Shoqata Down Syndrome Kosova, e mbështetur nga Forumi Kosovar i Aftësisë së Kufizuar organizoi sot marsh protestues me ç’rast u adresuan kërkesat për realizimin e të drejtave të personave me aftësi të kufizuara.

Në këtë protestë ishte i pranishëm edhe Avokati i Popullit, Hilmi Jashari, i cili shprehu besimin se personat me aftësi të kufizuara duhet të jenë pjesë e barabartë e shoqërisë kosovare.Kryetari i Shoqatës së të shurdhërve, Enver Kurtalani paralajmëroi se protesta të ngjashme do të mbahen edhe në të ardhmen derisa kjo kategori të gëzojnë të drejtat e tyre.

Edhe Ndalore Lika nga Down Syndrome Kosova u bëri thirrje institucioneve të vendit që të marrë parasysh kërkesat e kësaj kategorie.

-Advertisement-

“Në këtë ditë është thelbësore për komunitetin tonë, shpresojmë që protestat tona do të merren parasysh nga organet e vendit dhe cilësia e jetës së personave me aftësi të kufizuara në Kosovë do të përmirësohet, një nismë, e cila do të vazhdojë deri në zbatimin e ligjeve për realizimin e të drejtave tona”, tha Lika.

Subscribe në YouTube: GAZETA INFOKUSI