Lajme

Jashari: Kryeministri Kurti po e sulmon luftën e UÇK-së dhe vlerat e saj

Autori: Gazeta inFokus 21:27 | 29 November 2023

Xhavit Jashari nga shoqatat e dala nga lufta, e ka kritikuar ashpër kryeministrin e Kosovës, Albin Kurti, duke thënë se ai po e sulmon qëllimshëm luftën e Ushtrisë Çlirimtare të Kosovës (UÇK).

Ai në “Debat Plus”, tha se Gjykata Speciale është e njëanshme dhe si e tillë e padrejtë.

“Kjo gjykatë është e njëanshme, e krijuar në bashkëpunim me prokurorinë serbe. Mjerim për neve, do doja të kemi qeveri që respekton rrugën që kemi ardhë këtu, të kemi km që i përfaqëson qytetarët e Kosovës, që nuk e kemi. Gjykata Speciale e bën luftën e saj për ta barazuar luftën e pastër me atë që ka bërë Serbia në Kosovë… Kemi një kryeministër që atakon luftën e UCK-së dhe vlerat e saj. Qytetarit i krijohet përshtypja se janë në dakordancë me goditë luftën e UCK-së”, tha ai.

-Advertisement-

Jashari theksoi se ish-krerët e UÇK-së të cilët po gjykohen në Hagë janë të pafajshëm dhe se shpreson se do të lirohen.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik

Të tjera