Lajme

Jakup Krasniqi edhe sot në vizitë te familja, EULEX-i bllokon rrugën deri në daljen e tij nga selia

Autori: Gazeta inFokus 08:55 | 19 November 2026

Jakup Krasniqi do të qëndrojë edhe sot në gjirin familjar, teksa vizita e tij tashmë ka nisur.

Krasniqi u bart sot nga selia e EULEX-it drejt shtëpisë së tij, nën masa të rrepta sigurie.

Policia e EULEX-it bllokoi përkohësisht rrugën, derisa autokolona që barte Krasniqin, e shoqëruar nga një autoambulancë, doli nga selia.

-Advertisement-

Krasniqi arriti dje në Kosovë, për të vizituar bashkëshortën e tij, e cila raportohet se është e sëmurë.

Nga Dhomat e Specializuara, dje thanë për Infokus se vizita e tij ka arsye humanitare.

“Për shkak të arsyeve të forta humanitare, Trupi Gjykues ka udhëzuar Zyrën Administrative që të organizojë një vizitë të Jakup Krasniqit në Kosovë, nën mbikëqyrje gjatë qëndrimit të tij”, thuhet në përgjigjen e Dhomave të Specializuara.

Dhomat e Specializuara kanë theksuar se, kur një i paraburgosur paraqet kërkesë për një vizitë të tillë, gjyqtarët vlerësojnë të gjitha rrethanat në momentin e paraqitjes së kërkesës.

“Kur një i paraburgosur paraqet një kërkesë të kësaj natyre, gjyqtari ose gjyqtarët që trajtojnë çështjen vlerësojnë të gjitha rrethanat ekzistuese në momentin e paraqitjes së kërkesës, me urgjencën dhe dhembshurinë që kërkojnë situata të tilla. Ata marrin vendimin duke u bazuar në kuadrin ligjor të Dhomave të Specializuara të Kosovës dhe në standardet ndërkombëtare për të drejtat e njeriut”, thuhet në përgjigje.

Hera e fundit kur Krasniqi ishte në Kosovë, ishte tetori i vitit 2024.

Ai u dënua më 25 vjet burg në aktgjykimin e 16 shtatorit të këtij viti.

 

Bletaria Haxhia – Tradita familjare dhe përkushtimi ndaj bletarisë sjellin mjaltë natyral e cilësor në tryezat tuaja
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy