Lajme

Ja si u formua Kryqi i Kuq Ndërkombëtar

Autori: Gazeta inFokus 07:10 | 29 October 2019

Gjashtëmbëdhjetë shtete dhe mbretëri evropiane më 29 tetor 1863 formuan Kryqin e Kuq Ndërkombëtar.

Deri në mes të shekullit të 19-të, nuk kishte asnjë sistem të organizuar për kujdesin e viktimave të luftës ose të plagosurve në fushëbetejë.

Në qershor 1859, biznesmeni zviceran Henry Dunant udhëtoi për në Itali, në atë kohë e pushtuar nga Franca. Kur mbërriti në qytetin Solferino, ai pa nga afër pasojat e një beteje franko-austriake, ku në një ditë të vetme, rreth 40 mijë ushtarë nga të dy anët u vranë ose u plagosën dhe trupat ishin lënë në fushë pa asnjë kujdes apo ndihmë.

-Advertisement-

Dunant braktisi plotësisht qëllimin origjinal të udhëtimit të tij dhe për disa ditë iu përkushtua organizimit të trajtimit dhe kujdesit për të plagosurit.

Kur u kthye në shtëpinë e tij në Gjenevë, ai vendosi të shkruajë librin “Kujtesë e Solferinos” dhe u dërgoi kopje të librit figurave kryesore politike dhe ushtarake në të gjithë Evropën.

Kështu u përhap ideja e krijimit të Kryqit të Kuq Ndërkombëtar, që u themelua në këtë ditë 156 vjet më parë.

Subscribe në YouTube: GAZETA INFOKUSI