Lajme

Ja sa prona po ia fal Qeveria e Kosovës serbëve (Dokument)

Autori: Gazeta inFokus 16:14 | 09 November 2018

Të njëjtën ditë që Qeveria e Kosovës ka vendosur taksën prej 10 për qind për mallrat e Serbisë, ka marrë edhe një vendim të rëndësishëm për fatin e komunave me shumicë serbe në Kosovë.

Pa shumë zhurmë, ua ka falur Mitrovicës së Veriut, Ranillugut dhe Kllokotit dhjetëra prona shoqërore që ndodhen në këto territore.

Gazeta inFokus posedon dokumente që dëshmojnë se vetëm në Mitrovicën e veriut janë 62 asete të ndërmarrjeve, përfshirë tokat bujqësore që do ti barten në pronësi komunës nga Agjencia Kosovare e Privatizimit.

-Advertisement-

Ndërkaq, 11 prona me sipërfaqe të ndryshme të pa privatizuara do të kalojnë në pronësi të Ranillugut e 14 prona do ti falen komunës së Kllokotit.

Por kjo nuk është e tëra.

Zyrtarë të Agjencisë Kosovare të Privatizimit i kanë thënë gazetës inFokus se në vazhdimësi me kërkesë të komunave me shumicë serbe janë tërhequr nga procesi i privatizimit ndërmarrje e asete të ndryshme.

Madje sipas dokumenteve që posedon gazeta, kërkesat për tërheqje nga procesi i privatizimit dhe kthim në pronësi të komunës të objekteve dhe pronave të paluajtshme me qëllim të realizimit të projekteve të interesit publik tashmë kanë shkruar edhe në adresë të qeverisë edhe nga Leposaviqi, Zveçani, Graçanica, Shtërpca e Zubinpotoku.

Të dhënat tregojnë se në Leposaviq janë 25 asete të pa shitura që mund ti barten komunës, në Shtërpcë 33, në Zubin Potok 17, në Zveçan 8 e në Graçanicë 28.

Sipas raportit vjetor të AKP-së ekziston një numër i konsiderueshëm i aseteve në komunat në pjesën veriore të Republikës së Kosovës, për të cilat vazhdimisht ka pasur mungesë të bashkëpunimit me, që ka krijuar vonesa në realizimin e shitjeve të aseteve.

Ndryshe, sic është raportuar në medie kjo kërkesë për ndalim të privatizimit në komunat me shumicë serbe ka qenë kusht i vazhdushëm i Listës Serbe ndër vite.

Lista Serbe edhe në vitin 2015 kishte marrë garanci nga koalicioni qeverisës, aso kohe mes PDK-së dhe LDK-së, se nuk do të ndodhë privatizimi i pronave shoqërore në këto komuna./Gazeta inFokus/

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme