Lajme

Ja kur do të pastrohet Kosova

Autori: Gazeta inFokus 10:36 | 30 Maj 2018

Kryeministri i vendit Ramush Haradinaj ka bërë zotime publike sa i përket angazhimeve të tij në kuadër të mbrojtjes së ambientit në Kosovë.

Ai ka premtuar se në vjeshtën e 2018-tës, do të nis një aksion të përgjithshëm për të pastruar gjithë Kosovën nga mbeturinat të cilat janë hedhur për 20 vjet në vazhdimësi.

Haradinaj këto zotime i dha në Konferencën e Lartë mbi Zhvillimin e Qëndrueshëm derisa potencoi se një aksion të tillë e kishte menduar ta realizonte këtë pranverë.

-Advertisement-

Në Kosovë brenda vitit grumbullohen afër 400 mijë tonë mbeturina. E qyteti që po prodhon më së shumti mbeturina është Prishtina.

Prishtina është ndër qytetet që prodhon më së shumti mbeturina për kokë banori. Sipas të dhënave të Agjencisë së Statistikave që janë publikuar për herë të fundit të vitit 2016, Prishtina prodhon 105 tonë mbeturina, ose 1 të tretën e tërë mbeturinave të Kosovës.

Ndërsa e gjithë Kosova prodhon 289 mijë tonë mbeturina.

Të dhënat e Agjencisë së Statistikave tregojnë se mesatarja e mbeturina komunale të grumbulluara në Kosovë ka qenë 223 kilogram për banorë në vit ose 0.61 kilogram mbeturina për banorë në ditë.
Ndërsa e gjithë sasia mblidhet por nuk riciklohet dhe nuk shfrytëzohet për asnjë veprimtari.