Sport

Ja kur do të zhvillohet finalja e madhe e Ligës së Kombeve mes Spanjës dhe Francës

Autori: Gazeta inFokus 23:02 | 07 Tetor 2021

Franca është kombëtarja e dytë që e ka siguruar kalimin në finalen e madhe të Ligës së Kombeve, shkruan Gazeta inFokus.

‘Gjelat’ e kanë eliminuar Belgjikën në gjysmëfinale, duke e mposhtur me përmbysje rezultati nga 2-0 në 2-3, në takimin e zhvilluar në ‘Allianz Stadium’ në Torino.

Pas këtij triumfi, Franca ka kaluar në finale të Ligës së Kombeve, aty ku do të takohet me Spanjën që mbrëmë eliminoi Italinë, duke e mundur me rezultat 2-1.

-Advertisement-

Finalja e Ligës së Kombeve mes Spanjës dhe Francës do të zhvillohet të dielën nga ora 20:45 në stadiumin ‘San Siro’ në Milano.

Kurse ndeshja për vendin e tretë mes Italisë dhe Belgjikës do të luhet po ashtu ditën e diel, por nga ora 15:00 dhe në ‘Allianz Stadium’ në Torino./Gazeta inFokus/