Sport

Ja çfarë thotë Mourinho për transferimin e Moratas te Chelsea

Autori: Gazeta inFokus 09:49 | 21 Korrik 2017

Conte dhe Mourinho transferuan të tjerë sulmues nga kërkesat që i kishin në fund të sezonit të kaluar. Mou insitoi për Moratan, por në fund mori Lukakun. Derisa Conte ka kohë që ka përmendur Lukakun, por në fund trasnferoi Moratan nga Reali.

Jose Mourinho ka thënë se është pothuajse normale që Chelsea transferoi Alvaro Moratan, por insiston se Manchester United ka blerë më të mirin, Romelu Lukakun.

Chelsea zyrtarizoi të mërkurën transferimin e Moratas nga Real Madridi për 80 milionë euro, plus pesë të tjera bonuse.

-Advertisement-

Mourinho më parë ishte i interesuar për Moratan, por hoqi dorë për shkak të çmimit të lartë të kërkuar nga Reali, duke transferuar në fund Lukakun, lojtar ky që kërkohej nga Antonio Conte.

“Nuk jam i interesuar çfarë bën Chelsea, sinqerisht”, tha trajneri i United, pas transferimit të Moratas në “Stamford Bridge”.

“Ne kishim nevojë për një sulmues dhe transferuam Lukakun. Ai ka luajtur në nivele të larta viteve të fundit dhe tani duhet ta bëjë këtë për Manchester United, sidomos në Ligën e Kampionëve. Mendoj se ka shumë kualitete”.

“Ishte pothuajse e ditur që Chelsea do të transferojë një sulmues, sidomos pas situatës së trajnerit me Diego Costan”.

“Kështu tashmë kjo ishte e qartë dhe transferuan Moratan, një lojtar shumë i mirë”, theksoi mes tjerash Mou.