Sport

Ja çfarë thotë Bernard Challandes pas humbjes nga Suedia

Autori: Gazeta inFokus 20:35 | 09 Tetor 2021

Trajneri i kombëtares së Kosovës, Bernard Challandes, ka folur për media pas humbjes së ‘Dardanëve’ në udhëtim te Suedia me rezultat 3-0, shkruan Gazeta inFokus.

Challandes ka thënë se kanë luajtur me një kundërshtar të fortë, teksa e ka kontestuar penalltinë e shkaktuar nga Florent Hadërgjonaj.

“Nuk është ndeshje e njëjtë sikurse në Prishtinë. Mendo që kemi luajtur me një kundërshtar shumë të fortë. Për mua është një shaka situata e penalltisë. Që nga koka tek dora nuk është penallti, shpjegoma si mund të jetë kjo? Madje mund të jetë edhe faul në Haderxhonaj”, tha fillimisht Challandes.

-Advertisement-

Me pas tekniku zviceran shtoi se Suedia e ka merituar fitoren, pavarësisht se në rast se do të shënonte Kosova në fillim të pjesës së dytë do të ishte një lojë tjetër.

“Gjithsesi, Suedia e ka merituar këtë fitore. Pas pjesës së parë, kishim mundësi të barazonim. Suedia pati tre lojtarë shumë të fortë në sulm. Po të shënonim në fillimin e pjesës së dytë, do të ishte një tjetër lojë”, deklaroi Bernard Challandes.

Pas kësaj humbje, Kosova renditet e katërta në Grupin B me 4 pikë, kurse Suedia mbetet e dyta me 12 sosh./Gazeta inFokus/