Lajme

Izraeli zotohet për pushtim tokësor në Gaza, i bëjnë gati trupat ushtarake

Autori: Gazeta inFokus 21:03 | 19 October 2023

Ministri izraelit i Mbrojtjes, Yoav Gallant, u ka thënë trupave tokësore që të jenë gati për të hyrë në Rripin e Gazës, ndonëse nuk ka treguar se kur mund të nisë pushtimi.

Në një takim me ushtarët izraelitë të këmbësorisë, në kufi me Gazën, Gallant ka thënë të enjten që forcat duhet “të organizohen, të jenë gati” për urdhrin për t’u nisur.

“Kushdo që e sheh Gazën tash prej larg, do ta shohë edhe prej brenda, ju premtoj”.

-Advertisement-

Izraeli i ka mbledhur dhjetëra mijëra ushtarë afër kufirit me Gazën, pas maskrës së 7 tetorit nga militantët e Hamasit në tokën izraelite.

Si hakmarrje, Izraeli i ka shpallur luftë Hamasit – i cili e udhëheq Gazën – dhe është zotuar se do ta shkatërrojë grupin.

Ministria e Shëndetësisë në Gazë ka thënë se 3.785 njerëz janë vrarë dhe mbi 12.500 janë plagosur nga sulmet izraelite.

Banorët atje – mbi 2.1 milionë – kanë mbetur pa furnizime me ushqim, ujë dhe naftë – sipas vendimit izraelit të marrë pak pas sulmeve të Hamasit në Izrael.

Nga sulmet e Hamasit në tokën izraelite, më 7 tetor, janë vrarë më shumë se 1.400 njerëz.

Një zëdhënës i ushtrisë izraelite ka thënë që Hamasi besohet se i ka marrë edhe 206 pengje në sulmet që i ka kryer në Izrael, dhe dyshohet se i ka dërguar në Gazë. /REL

Subscribe në YouTube: GAZETA INFOKUSI
Etiketa:
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

lajme