Lajme

Izraeli godet Libanin dhe Gazën pas sulmeve me raketa

Autori: Gazeta inFokus 09:08 | 08 April 2023

Ushtria izraelite ka kryer sulme ajrore ndaj objektivave që i përkasin grupit militant palestinez Hamas në Libanin jugor dhe në Rripin e Gazës.

Ushtria tha se sulmet ishin një përgjigje ndaj një breshëri prej 34 raketash të lëshuara nga Libani në veri të Izraelit të enjten, për të cilën fajësoi Hamasin.

Militantët në Gaza hodhën dhjetëra raketa të tjera pas fillimit të sulmeve.

-Advertisement-

Tensionet janë të larta pas dy netëve të bastisjeve të policisë izraelite në xhaminë al-Aksa në Jerusalem në fillim të kësaj jave.

Bastisjet shkaktuan konfrontime të dhunshme me palestinezët brenda xhamisë, që është vendi i tretë më i shenjtë i Islamit, dhe shkaktuan zemërim në të gjithë rajonin, shkruan BBC.

Hamasi nuk tha se i hodhi raketat nga Libani, që ishte breshëria më e madhe e tillë në 17 vjet. Por udhëheqësi i saj Ismail Haniyeh, i cili po vizitonte Bejrutin në atë kohë, tha se palestinezët nuk do të “uleshin me duart e kryqëzuara” përballë agresionit izraelit.

Të premten vonë, dy motra britaniko-izraelite u vranë në një sulm me të shtëna në Bregun Perëndimor të pushtuar, ndërsa një turist italian u vra gjithashtu kur një makinë hyri në një shëtitore buzë plazhit në Tel Aviv.

Në përgjigje, kryeministri Benjamin Netanyahu urdhëroi policinë dhe ushtrinë të mobilizonin rezervat e tyre për të forcuar përpjekjet kundër terrorizmit.

Subscribe në YouTube: GAZETA INFOKUSI
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme