Lajme

Italiani mohon vrasjen dhe murosjen e Siborës: Jam i pafajshëm

Autori: Gazeta inFokus 22:07 | 18 June 2023

Autori i vrasjes së Sibora Gaganit 22-vjeçares italo-shqiptare e cila u zhduk në 2014-n, është marrë në pyetje nga autoritetet spanjolle.

Trupi i Siborës u gjet më 6 Qershor, i murosur në apartamentin ku ata kishin jetuar në qendër të Terremolinës.

Çështja u rihap dhe kërkimet për Siborën rinisën pas deklaratës spontane të 45-vjeçarit teksa shoqërohej për një vrasje të dytë, atë të 28-vjeçares spanjolle Paula, nëna e djalit të tij.

-Advertisement-

Ishte vetë Marco Romeo që u tha autoriteteve spanjolle se e kishte vrarë e murosur 22-vjeçaren, 9 vjet më parë.

Por sipas mediave spanjolle, në momentin që u mor në pyetje para gjykatës, ai ka deklaruar se është i pafajshëm.

Deklarata mësohet se ka ndodhur para se të gjendej trupi i murosur. Por me gjetjen e saj tashmë ai përballet me akuzën për vrasje të dyfishtë.

Ndërkohë, nëna e Siborës, Elisabeta Shahini, prej 2 javësh tashmë është ende në pritje të testit të ADN-së. Vonesa në rezultatin e ADN-së që pritet të saktësojë se trupi i murosur i përket të resë shqiptare, raportohet se ka ardhur për shkak të autoriteteve italiane, megjithatë shkaqet nuk janë të qarta.

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme