Sport

Ismet Munishi ka një koment për rikthimin e Ibrahimovicit te Suedia, tregon si do të ndikojë te lojtarët

Autori: Gazeta inFokus 19:39 | 16 March 2021

Trajneri i mirënjohur kosovar, Ismet Munishi beson se rikthimi i Zlatan Ibrahimovicit tek kombëtarja e Suedisë, pak para ndeshjes me Kosovës do të jetë një promovim i madh.

Zlatan Ibrahimovic është rikthyer në kombëtaren e Suedisë për kualifikimet e ardhshme të Kupës së Botës, pesë vjet pasi u pensionua nga futbolli ndërkombëtar.

Sulmuesi suedez do të luajë ndaj Kosovës me 28 mars në stadiumin “Fadil Vokrri”.

-Advertisement-

Sipas Munishit, rikthimi i tij tek Suedia duhet të jetë motivim shtesë për “Dardanët”.

“Rikthimi i tij tek kombëtarja e Suedisë është motivim i madh për të gjithë. Vet fakti që ai është rikthy tek kombëtarja e Suedisë, do të thotë një promovim i madh edhe për ne, pasi do të shkruajnë mediat më të mëdha për këtë përballje, pasi dihet impakti i tij”, tha fillimisht për ‘GazetaBlic Sport’.

Ndërkohë, Munishi tha se shpreson që Kosova do të rikthehet tek rezultatet pozitive në këto ballafaqimet e marsit.

“Mendoj që rikthimi i tij do të jetë motivim shtesë edhe për futbollistët tanë. Shpresojë që të kemi paraqitje të mira, pasi kohët e fundit nuk kemi pasur rezultate të duhura”, përfundoi trajneri i Gjilanit, Ismet Munishi.

Subscribe në YouTube: GAZETA INFOKUSI