Rozë

Ish e dashura i lutet Elon Musk ta lejojë të shohë fëmijët…

Autori: Gazeta inFokus 10:01 | 08 Shtator 2023

Ish e dashura e Elon Musk, Grimes, përflitet se i është lutur bilionerit ta lejojë të shohë djalin e saj, 3-vjeç.

Claire Boucher, 35-vjeç, e cila njihet me emrin skenik, Grimes, ka akuzuar babain e fëmijëve të saj se e ka ndarë familjen në dysh dhe thuhet se nëna e dy binjakëve, Shivon Zilis, e ka bllokuar atë nga Twitter.

Sipas disa “screenshot-eve”, tashmë të fshira, poshtë fotos së Musk dhe dy fëmijëve që ai ka me Zilis, nëpërmjet IVF, Grimes ka shkruar: Thuaji Shivon të më zhbllokojë nga Twitter dhe thuaji Elon të më lejojë të shohë djalin tim ose të lutem përgjigju avokatit tim. Nuk jam lejuar kurrë të shoh një foto të këtyre fëmijëve deri në këtë moment, pavarësisht situatës që ka shkatërruar familjen time”.

-Advertisement-

Elon Musk dhe regjisorja e “Neuralink” sollën në jetë dy fëmijë së bashku, rreth 3 vite më parë. Binjakët, Strider dhe Azure, kanë lindur në nëntorin e vitit 2021, vetëm pak javë para se Musk dhe Boucher të bënin fëmijën e tyre të dytë përmes një nëne “surrogate”.

Elon nisi një lidhje romantike me Grimes në prillin e vitit 2018 dhe dyshja pushtoi titujt e mediave teksa bëri debutimin si çift në tapetin e kuq të Met Gala, vetëm një muaj më vonë.

Pavarësisht ndarjeve dhe ribashkimeve, çifti solli në jetë djalin e tyre të parë, në majin e vitit 2020-të dhe dhjetorin e vitit 2021, erdhi në jetë fëmija e tyre i dytë, vajza e qujatur Exa Dark Sideræl, e cila ka lindur përmes nëj nënë “surrogate”.