Lajme

Ish deputeti i LDK-së: Paga minimale 250 euro s’i mbulon shpenzimet bazike të qytetarëve

Autori: Gazeta inFokus 23:47 | 18 April 2022

Ish deputeti i LDK-së, Muhamet Mustafa, ka folur rreth pagës minimale prej 250 eurove, duke thënë se ajo nuk i mbulon as për së afërmi shpenzimet bazë të shportës së qytetarëve.

Ekonomisti theksoi se megjithatë shumë familje nuk e kanë vetëm një burim të të ardhurave.

“Po të ishte vetëm një pagë edhe kjo pagë t’i përgjigjet shportës së qytetarit do të ishte e pamundur, sepse me 250 euro ose 170 sa ka qenë paga bazë para kësaj të fundit është e pa mundur që të mbulohen shpenzimet e qytetarëve, prandaj në këtë situatë është dashur që të ndihmohen familjet të cilat kanë vetëm një burim të pagës” u shpreh ai në Tëvë1.

-Advertisement-

Profesori i ekonomisë ka folur edhe për ndarjen e 100 eurove duke thënë se ato duhej të shpërndaheshin tek personat të cilët e kanë vetëm një burim të të ardhurave.

“100 milionët e qeverisë është dashur që të shpërndahen te personat të cilët e kanë vetëm një burim të të ardhurave apo tek personat të cilët nuk kanë fare të ardhura dhe gjysma tjetër e këtyre parave të shpërndahet te sfera të tjera siç është shëndetësia sepse konsideroj që është më urgjente”, tha ai.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme