Lajme

Ish-asistenti i Kurtit: Po bëhen pazare të mëdha në Prishtinë

Autori: Gazeta inFokus 16:53 | 10 January 2022

Arianit Beqiri, ish-asistent i kryeministrit Albin Kurti, tani asmblist në Komunën e Prishtinës, ka shkruar për “pazare” në qeverisjen e re të kryeqytetit.

Beqiri ka kritikuar mospublikimin e emrave të drejtorëve të rinj, ndërsa përmendi një arsye për këtë. Sipas tij, kjo lidhet me “pazarët”, që Beqiri thotë se po bëhen në Komunë.

“Pazare të mëdha në Prishtinë. Janë bërë më shumë se 1 muaj prej kur e mori mandatin Përparim Rama dhe që nga atëherë nuk i ka publikuar emrat e drejtorëve. Gjatë fushatës së balotazhit thoshte: I kam të gjitha emrat, por për shkak të korrektësisë nuk po i bëjë publik. Mbase, emrat e PDK-së nuk i ka, por të LDK-së do të duhej t’i kishte deri tani. Por, nuk mund t’i publikojë sepse: po bëhen pazare të mëdha në Prishtinë”, ka shkruar ai në Facebook.

-Advertisement-

Në kryeqytet, LDK-ja dhe PDK-ja e kanë arritur një koalicion për të qeverisur bashkë.

Deri më tani, nga emrat e kabinetit të ri të Ramës është bërë i dikur vetëm ai i Alban Zogajt, i cili është emëruar nënkryetar.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme