Lajme

Ish-ambasadori i Holandës jep një paralajmërim për marrëveshjen finale me Serbinë

Autori: Gazeta inFokus 08:50 | 24 July 2020

Ish-ambasadori i Holandës në Kosovë Robert Bosch, ka folur për marrëveshjen finale mes Kosovës dhe Serbisë.

Në një prononcim për gazetën “Bota sot”, Bosch ka deklaruar se njohja e ndërsjellë duhet të jetë rezultati përfundimtar i dialogut mes të dyja vendeve.

Mirëpo, ish-diplomati ka paralajmëruar se mund të ketë edhe lëshime në marrëveshjen përfundimtare dhe se negociatat e reja do të jenë në favor të Serbisë.

-Advertisement-

“Plani i Ahtasaarit ishte tashmë një kompromis të cilin Kosova e pranoi, por serbët nuk pranuan. Pra, të gjitha negociatat e reja do të jenë në favor të Serbisë ashtu siç dëshirojnë më shumë. Njohja e ndërsjellë duhet të jetë rezultat përfundimtar, por përsëri, duhet të bëhen pak lëshime të mëtejshme”, ka thënë Bosch.

Ai ka përmendur personat e zhdukur, dëmshpërblimet e luftës dhe arrestimin e personave që kanë kryer krime, si tema që duhet të diskutohen.

Sipas tij, marrëveshja duhet të arrihet në koordinim me miqtë e vërtetë të Kosovës, Britaninë, Gjermaninë dhe SHBA.

“Tani personat e zhdukur, dëmshpërblimi i dëmtimit të luftës dhe ndjekja serioze e të gjithë personave që kanë kryer krime, duhet të jenë në krye të të gjithëve, të parët për t’u koordinuar me miqtë e vërtetë, ishin gjithnjë në Mbretërinë e Bashkuar në Gjermani dhe SHBA”, ka deklaruar Robert Bosch për “Bota sot”.

Subscribe në YouTube: GAZETA INFOKUSI