Sport

Isco: “Nuk jam i kënaqur me asgjë, dua të rritem edhe më shumë pasi jam në vendin e duhur”

Autori: Gazeta inFokus 11:23 | 19 May 2018

Isco e ka pranuar se kanë shumë iluzon për të fituar Championsin e tretë radhazi, dicka që nuk e ka bërë askush tjetër, edhe pse e di se do të jetë vështirë ndaj Liverpoolit që ka lojtarë shumë të mirë për të bërë diferencën.

”Jemi në një tjetër finale këtë vit dhe kjo është shumë e rëndësishme të vazhdojmë në këtë nivel të lartë. Jemi shumë të motivuar për të marrë trofeun e tretë radhazi në Champions që është dicka shumë e vështirë dhe nuk e dimë nëse dikush tjetër mund t’a bëjë. Lojtarët dhe tifozët jemi shumë të ngazëllyer.”, tha Isco pasi prezantoi ‘Hero Sport’, parfumin e tij të parë.

Mesfushori Madrilen jep mundësi të barabarta për finalen e Kievit por paralajmëroi ekipin për forcën e Liverpoolit: ”Ata kanë treguar futboll të mirë që meritojnë të jenë në finale. Kanë lojtarë të mirë, një trajner të madh dhe lojtarë që mund të bëjnë diferencën në sulm dhe që janë të vështirë për t’u ndalur, por edhe ata mendojnë të njejtën për ne që arritëm finalen e tretë radhazi. Do të jetë një finale shumë e mirë dhe shumë e diskutueshme.”

-Advertisement-

Për Iscon, të fitosh tre Champions radhazi është një sfidë:”Eshtë turneu më i rëndësishëm në nivel të klubeve dhe Real Madridi është sot mbreti i Europës dhe kemi mundësinë të rikonfirmojmë përsëri pas një sezoni ku nuk kemi qenë mirë në La Liga dhe në Copa. Do të ishte një mënyrë e mirë për të përfunduar sezonin. Jam i ri dhe nuk jam i kënaqur me asgjë pasi dua të vazhdoj të aspiroj maksimalisht dhe jam në vendin e duhur për t’u rritur.”

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

sport