Kështu, në Ferizaj, Kryetari i LDK’së ka thënë se nuk i frikësohen asnjë mocioni dhe as dhunës derisa ka paralajmëruar se nëse ka zgjedhje partia e tij do të dalë fituese.

“Kemi treguar se para dhunës nuk dorëzohemi, para atyre që dëshirojnë që me çdo kusht të qeverisin me mënyrën dhe mjetet e tyre, nuk dorëzohemi”, ka thënë kryetari Mustafa, në Ferizaj,

“Ne duhet të jemi unik sepse me unitet po që se sot dalim në zgjedhje do të fitojmë”,

“Ne nuk kemi opsione alternative, ne jemi të orientuar vetëm drejt Bashkimit Evropian dhe vlerave perëndimore”, ka deklaruar Mustafa.

Seanca e jashtëzakonshme për demarkacionin me shumë gjasa do të mbahet nesër gjatë ditës, pasi të martën është pushim, për shkak të Ditë së Europës, derisa të mërkurën votohet mocioni i opozitës për rrëzimin e Qeverisë.

Ndërkohë, Mustafa, ka paralajmëruar se nesër do ta procedojë demarkacionin për votim në Parlament.

Seanca e jashtëzakonshme për demarkacionin me shumë gjasa do të mbahet nesër gjatë ditës, pasi të martën është pushim, për shkak të Ditë së Europës, derisa të mërkurën votohet mocioni i opozitës për rrëzimin e Qeverisë.

Paralajmërimin për dërgim të demarkacionit në Kuvend, Isa Mustafa e ka bërë pasi është miratuar një Mocion i opozitës për rrëzimin e Qeverisë që do të votohet, të mekurën, në Parlament.

Ditë më parë, Isa Mustafa, kishte thënë se demarkacioni në Parlament shkon vetëm atëherë kur të sigurohen votat.

Por, ende nuk dihen se sa deputetë të pozitës janë kundër, përpos, që dihet se AAK, NISMA dhe Vetëvendosje kanë kundërshtuar këtë marrëveshje.

Madje, edhe tash, kanë paralajmëruar se do të organizojnë protesta për të mos lejuar ratifikimin e saj.

Në tri ditët e fundit, kur është paralajmëruar mundësia e rrëzimit të Qeverisë kanë nisur edhe akuzat ndërmjet PDK’së e LDK’së, të cilat bashkëqeverisin, prej pasluftës, në tri mandate.

Isa Mustafa, të shtunën, tha se edhe nëse shkohet në zgjedhje, ata që kanë plaçkitur 30 milionët e PTK’së e 5 milionë euro të pasaportave do të përgjigjen.

Ndërkohë, Kadri Veseli, vazhdimisht, nëpër tubime në Kosovë, ka thënë se Qeveria ka dështuar në zhvillim ekonomik e punësim.

Idenë për zgjedhje të reja, PDK e kishte nisur në tetor të vitit të kaluar. Atëkohë, Kadri Veseli kishte thënë se me një marrëveshje mes partive politike edhe mund të shkohet në zgjedhje të jashtëzakonshme.

“Nuk është fundi i botës nëse nesër del një opsion me marrëveshje politike në mes të kampit të pozitës dhe opozitës që të shkohet në zgjedhje dhe të kemi normalitet”, kishte deklaruar ai.