Iran: 233 të vrarë në protestat që kanë hyrë në javën e pestë
![](https://gazetainfokus.com/wp-content/uploads/2022/10/59-852x460.webp)
Autori: Gazeta inFokus
21:43 | 15 October 2022
Protestuesit intensifikuan demonstratat antiqeveritare në rrugët kryesore dhe në universitete në disa qytete anembanë Iranit të shtunën.
Vëzhguesit e të drejtave të njeriut njoftuan për qindra të vdekur, përfshirë fëmijë, ndërsa lëvizja hyri në javën e saj të pestë.
Protestuesit brohoritën “Poshtë Diktatori” në rrugët e Ardabilit në veriperëndim të vendit. Studentët u mblodhën para universiteteve në Kermanshah, Rasht dhe Teheran, sipas videove në mediat sociale.
Në qytetin e Sanandajt, një pikë e nxehtë për demonstratat në rajonin verior kurd, vajzat e shkollës brohoritën, “Grua, jetë, liri”, në një rrugë qendrore.
Protestat shpërthyen pas zemërimit publik për vdekjen e 22-vjeçares Mahsa Amini në paraburgim nga policia. Ajo u arrestua nga policia morale e Iranit në Teheran për shkelje të kodit të rreptë të veshjes së Republikës Islamike. Qeveria e Iranit këmbëngul se Amini nuk u keqtrajtua në paraburgim nga policia, por familja e saj thotë se trupi i saj kishte mavijosje dhe shenja të tjera rrahjeje pasi u ndalua.
Të paktën 233 protestues janë vrarë që kur filluan demonstratat që përfshinë Iranin më 17 shtator, sipas monitoruesit të të drejtave të njeriut me qendër në SHBA, HRANA.
Grupi thotë se 32 nga të vdekurit ishin nën moshën 18 vjeç. Më herët, organizata për të Drejtat e Njeriut në Iran me qendër në Oslo kishte vlerësuar se ishin vrarë 201 vetë.
Autoritetet iraniane i kanë quajtur trazirat një komplot perëndimor, pa dhënë prova.
Zemërimi publik në Iran ka arritur në një pikë kulmore pas vdekjes së 22 vjeçares Amini, duke bërë që vajzat dhe gratë të heqin shamitë e detyrueshme në rrugë në shenjë solidariteti.
Sektorë të tjerë të shoqërisë, përfshirë punëtorët e naftës, i janë bashkuar gjithashtu lëvizjes, e cila është përhapur në të paktën 19 qytete, duke u bërë një nga sfidat më të mëdha për teokracinë e Iranit që nga Lëvizja e Gjelbër e vendit në vitin 2009.
Grevat rifilluan të shtunën në qytetet kyçe anembanë rajonit kurd, duke përfshirë Saqqezin, vendlindjen e Aminit dhe Bukanin dhe Sanandajn ku filluan protestat.
Qeveria është përgjigjur me masa brutale, duke arrestuar aktivistë dhe organizatorë të protestës, duke sulmuar emra të famshëm iranianë për shprehjen e mbështetjes së tyre, madje edhe duke konfiskuar pasaportat e tyre dhe duke përdorur municion dhe gaz lotsjellës për të shpërndarë turmat, duke shkaktuar vdekje mes protestuesve.
Në një video të shpërndarë gjerësisht të shtunën, anëtarët e Basij-it, një grup vullnetar paraushtarak veshur me rroba civile, shihen duke detyruar një grua të futej në një makinë dhe duke qëlluar plumba në ajër mes një proteste në Gohardasht, në Iranin verior.
Ndërprerjet e përhapura të internetit e kanë bërë gjithashtu të vështirë komunikimin e protestuesve me botën e jashtme, ndërsa autoritetet iraniane kanë arrestuar të paktën 40 gazetarë që nga fillimi i trazirave, sipas Komitetit për Mbrojtjen e Gazetarëve./VOA
![](https://gazetainfokus.com/wp-content/uploads/2023/11/artikull-1.png)
Të tjera
-
Haziri për Osmanin: Këto ‘bomba’ të Presidencës në oborrin e qeverisë nuk kalojnë pa pasoja
Nënkryetari i LDK’së, Lutfi Haziri ka komentuar intervistën e fundit të ish-b...
-
BE-ja ka frikë se Bregu Perëndimor do të shndërrohet në një “Gazë e re”
Kryediplomati i Bashkimit Evropian, Josep Borrell, paralajmëroi se rritja e d...
-
Dy të akuzuar pranojnë fajësinë për kanosjen e deputetes Deliu-Kodra, për të tretin veçohet procedura
Në seancën fillestare të mbajtur të martën në Gjykatën Themelore të Prishtinë...
-
Ndalimi i Ardita Sinanit në pikën kufitare, reagon Shaip Kamberi
Deputeti i vetëm shqiptar në Kuvendin e Serbisë, Shaip Kamberi, ka reaguar nd...
-
Inspektoriati Policor për arrestimin e politikanit serb në veri: IPK deri më tani nuk ka pranuar ndonjë ankesë
Policia e Kosovës ka arresuar në veri politikanit serb, Aleksandar Arsenijevi...
-
Organizimi i Lojërave Mesdhetare 2030, Kurti takohet me përfaqësues të Komitetit Olimpik të Kosovës
Kryeministri i Kosovës, Albin Kurti ka pritur sot në takim përfaqësuesit e Ko...
-
Kukaj akuzon Ministrinë e Punëve të Jashtme akuzohet për shpërdorim të 350 mijë eurove
Diellza Kukaj, kryetare e Aleancës së Gruas së Kosovës, ka ngritur shqetësime...
-
Molliqaj: Kur e arreston dikë me filikaqe, nuk po flet rendi e ligji, e as nuk po luftohet Serbia
Lideri i PSD-së, Dardan Molliqaj ka komentuar arrestimin e politikanëve serbë...
-
Kurti: Afër 60 mijë nëna të reja dhe mbi 410 mijë fëmijë kanë përfituar nga shtesat
Kryeministri Albin Kurti ka rikujtuar se si para tri vjetësh kishin prezantua...
-
Kurti viziton punimet e aksit rrugor që lidh zonat e Mitrovicës së Jugut me qarkoren Zubin Potok-Zveçan
Kryeministri i Republikës së Kosovës, Albin Kurti, i shoqëruar nga ministri i...
-
FAST Kosova në aksion/ Arrestohet shtetasi nga Arabia Saudite, ishte në kërkim ndërkombëtar
Policia e Kosovës, gjegjësisht njësiti (Fast Kosova), me mbështetje të zyrta...
-
Paralajmëron Ardian Gjini: Diçka ka me eskalu, Serbia ka me bo diçka
Kryetari i Gjakovës, Ardian Gjini, ka folur në lidhje me situatën e sigurisë ...