Sport

Interi e eliminon Milanin nga Kupa e Italisë

Autori: Gazeta inFokus 22:56 | 26 January 2021

Interi e ka eliminuar Milanin nga Kupa e Italisë, pasi e ka mposhtur me përmbysje rezultati nga 0-1 në 2-1, shkruan Gazeta inFokus.

Në takimin e zhvilluar në kuadër të çerekfinales, rezultatin e zhbllokoi sulmuesi suedez, Zlatan Ibrahimovic, i cili realizoi në minutën e 31’.

Pjesa e parë u mbyll me rezultat 0-1 për ‘rosonerët’ dhe me një përplasje fizike ndërmjet Ibrahimovicit dhe Lukakut, kurse në 45 minutat e dytë Interi e përmbysi rezultatin dhe arriti kalimin tutje në këtë garë.

-Advertisement-

Ibrahimovic në minutën e 58’ u ndëshkua me karton të kuq dhe la Milanin më një lojtar me pak në fushë.

Mungesën e një futbollisti me pak në fushë e shfrytëzoi për mrekulli skuadra e Interit.

Romelu Lukaku i barazoi shifrat 1-1 në minutën e 71’, me golin e shënuar nga pika e bardhë, kurse për rezultatin përfundimtar 2-1 realizoi mesfushori danez, Christian Eriksen, në minutën e 90+7’.

Pas kësaj fitoreje Interi ka kaluar në gjysmëfinale të Kupës së Italisë, aty ku do të takohet me fituesin e duelit Juventus – Spal./Gazeta inFokus/

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera