Sport

Interesim i jashtëzakonshëm për ndeshjen Kosovë – Maltë

Autori: Gazeta inFokus 16:22 | 08 October 2018

Sot ka nisur shitja e biletave për ndeshjen Kosovë – Maltë dhe duket se mezi kanë pritur tifozët e Kombëtares, shkruan Gazeta inFokus.

Duke parë që ndeshja do të zhvillohet në kryeqytet, në stadiumin “Fadil Vokrri”, interesimi i tifozëve për ta përcjellë nga afër është jashtëzakonisht i madh.

Me të dalë biletat në shitje, tifozët janë vërsulur drejt pikave të shitjeve të Ipkos ku është krijuar radhë e gjatë në tentim për të siguruar një për ndeshjen e radhës të Dardanëve në Ligën e Kombeve.

-Advertisement-

Kombëtarja e Kosovës do ta zhvillojë ndeshjen e radhës në kuadër të Ligës së Kombeve me 11 tetor, në stadiumin “Fadil Vokrri” dhe do të takohet me Maltën. /Gazeta inFokus.