Lajme

Institucionet pushojnë për Ditë të Evropës, jo edhe ambasadat e shteteve evropiane

Autori: Gazeta inFokus 10:40 | 09 May 2017

Dita e Evropës në Kosovë është festë zyrtare. Përveç në Kosovë, 9 Maji në asnjë shtet të Evropës nuk është ditë pushimi.

Dita e Evropës është futur në kalendarin e festave shtetërore krahas festave tjera të shtetit të Kosovës.

Në tërë Kosovën sot do të mbahen një varg aktivitetesh, ndërsa shkollat dhe institucionet publike janë në pushim.

-Advertisement-

Madje edhe institucionet shkollore private sot e kanë pushim.

Por, ditë pushimi nuk është për ambasadat e shteteve të Evropës që janë në Prishtinë.

Njëra ndër to është edhe ambasada e Zvicrës, e cila sot është duke punuar normalisht.

Para ndërtesës ku gjendet kjo ambasadë që gjendet në rrugën “Adrian Krasniqi” shumë qytetarë të Kosovës edhe sot po qëndrojnë në rend për të hyrë për të aplikuar për viza.

Kjo pamje është çdo ditë para kësaj ambasade dhe ambasadave tjera në Kosovë.

Kosova ka mbetur vendimi i vetëm në Evropë që nuk gëzon të drejtën e lëvizjes së lirë.

Dita e Evropës e gjen Kosovën në krizë politike në përpjekje të ratifikimit të demarkacionit me Malin e Zi nga koalicioni qeverisës në vend. Kjo marrëveshje është kusht për Kosovën nga Bashkimi Evropian për të marrë liberalizimin e vizave.

 

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme