“Institucionet nuk po reagojnë”, banorët e fshatit Mlike në Dragash në hall me mbeturinat, kërkojnë ndërhyrje urgjente
Autori: Gazeta inFokus
14:15 | 03 July 2026
Banorët e fshatit Mlike të Dragashit po ankohen se janë në hall me mbeturinat.
Ata kanë thënë për gazetën online Reporteri.net se me këtë problematikë përballen tash e sa vite në fshatin e tyre dhe deri më tani nuk është ndërmarrë asnjë veprim.
Banorët e fshatit kanë kërkuar zgjidhje urgjente për këtë problematikë, teksa janë ankuar se asnjë veprim nuk është marrë nga institucionet lokale e as qendrore. Ata kanë thënë se përkundrazi, deponia ilegale po zgjerohet çdo ditë.
Ata kanë dërguar edhe pamje ku shihet grumbulli i mbeturinave përgjatë rrugës, të cilat kanë thënë se janë hedhur në vazhdimësi dhe një kohë të gjatë.
“Në fshatin tonë, hedhja e paligjshme e mbeturinave vazhdon çdo ditë. Deponia ilegale po zgjerohet vazhdimisht, ndërsa sasi të mëdha mbeturinash hidhen në një vend ku është vendosur qartë tabela që ndalon hedhjen e mbeturinave. Megjithatë, pavarësisht kësaj ndalese, mbeturinat vazhdojnë të hidhen pa pengesa, pa përgjegjësi dhe pa frikë nga ndëshkimi.
“Si qytetarë që duam një mjedis të pastër dhe të shëndetshëm, i jemi drejtuar disa herë institucioneve lokale në Dragash. Fatkeqësisht, deri më sot nuk kemi marrë asnjë zgjidhje konkrete dhe nuk kemi parë masa efektive për ta ndalur këtë veprimtari të paligjshme.
Duke mos dashur të heqim dorë nga përpjekjet për mbrojtjen e fshatit tonë, i jemi drejtuar edhe institucioneve të nivelit qendror në Prishtinë. Megjithatë, gjendja në terren ka mbetur e pandryshuar. Çdo ditë shfaqen grumbuj të rinj mbeturinash dhe deponia ilegale bëhet gjithnjë e më e madhe, duke paraqitur një rrezik serioz për shëndetin e njerëzve, mjedisin, tokën bujqësore dhe natyrën”, kanë thënë banorët.
Këta banorë kanë kërkuar reagim urgjent nga Policia e Kosovës, inspektoratet, organet komunale dhe të gjitha institucionet përgjegjëse.
“Përmes mediave kërkojmë reagim urgjent nga Policia e Kosovës, inspektoratet, organet komunale dhe të gjitha institucionet përgjegjëse. Kërkojmë shtimin e kontrolleve, praninë e rregullt të institucioneve në këtë lokacion, identifikimin e personave përgjegjës dhe shqiptimin e dënimeve më të ashpra të parashikuara me ligj për të gjithë ata që hedhin mbeturina në mënyrë të paligjshme.
Po ashtu kërkojmë që kjo deponi ilegale të pastrohet urgjentisht, zona të rehabilitohet dhe të ndërmerren masa të përhershme që të parandalohet rikrijimi i saj. Është e domosdoshme të mbrohet shëndeti i qytetarëve dhe të ruhet natyra për brezat e ardhshëm.
I drejtojmë një pyetje publike të gjitha institucioneve përgjegjëse: A duhet të presim derisa të rrezikohet seriozisht shëndeti i qytetarëve dhe të ndotet toka, uji dhe ajri që institucionet të reagojnë? A është normale që ligji të mos zbatohet, edhe pse në vendngjarje është vendosur një tabelë e qartë që ndalon hedhjen e mbeturinave?”, janë shprehur banorët.


T� tjera
-
Anketa: Rreth 20% e kosovarëve të rritur duan dhe po përgatiten të emigrojnë, si është situata në vendet e rajonit
Sipas të dhënave të publikuara nga Regional Cooperation Council SecuriMeter20...
-
Shpërthimi në Zvicër, shqiptari rrëfen tmerrin: U ndjeva sikur isha kthyer në luftën e Kosovës, dëgjova tri herë thirrje për ndihmë
Një shpërthim i fuqishëm i ndjekur nga një zjarr ka tronditur banorët e një p...
-
Policia ia gjenë pistoletën në veturë, ia konfiskojnë, prokurori e liron në procedure të rregullt
Policia e Kosovës ka konfiskuar një pistoletë me gjashtë fishekë gjatë kontro...
-
Arrestohen në Shqipëri dy shqiptarë të kërkuar nga Italia, pritet ekstradimi i tyre
Dy shqiptarë të shpallur në kërkim ndërkombëtar nga autoritetet italiane janë...
-
Ultimatumi i Trumpit për Teheranin: Sulme të mëdha ushtarake pas Vitit të Ri nëse dështon marrëveshja
Presidenti i Shteteve të Bashkuara të Amerikës, Donald Trump, ka lëshuar një ...
-
Rama në Manastir propozon Bibliotekë Mbarëkombëtare të Shqipes: Do ta marrim përsipër,besoj se Kosova do të ketë gatishmëri
Kryeministri Edi Rama gjatë vizitës së tij në Manastir, në Europe House, pati...
-
Përparim Rama me bashkëshorten merr pjesë ë Ditën e Komunës së Kotorit – ndan pamje nga pritja atje
Kryetari i Prishtinës, Përparim Rama, ka shkruar në Facebook se ka qen ënë Ko...
-
Ky është personi i cili dyshohet se përmes mashtrimit për leukemi akute mblodhi afro 190 mijë euro
Një fushatë humanitare e nisur me pretendimin se 20-vjeçari Endrit Azemi nga ...
-
Në mesin e javës temperaturat bien deri në -8, ngriten nga enjtja – moti në javën që po hyjmë
Instituti Hidrometeorologjik i Kosovës (IHMK) ka parashikuar mot të ndryshues...
-
Joseph sugjeron që dialogu Kosovë-Serbi të rifillojë sa më shpejt me temën e personave të zhdukur
Profesori amerikan, Edward P. Joseph, në një intervistë për mediumin serb “Ra...
-
Dyshimet për mbetje mortore, ekipet kthehen sërish në veri
Pas përfundimit të gërmimeve në Brod të Shërpcës, ekipet mjeko-ligjore do të ...
-
‘Studentët’ reagojnë për ligjin e Inspektoratit të Trashëgimisë Kulturore me gjuhë fyese ndaj Kosovës – përmendin garancitë e Ahtisaarit
Lëvizja Studentore e Serbisë që ka fituar zgjedhjet parlajemntare, ka reaguar...
































