Infokusi siguron edhe dëshmi, për herë të parë pas luftës ZERO prodhim nga KEK-u
Autori: Gazeta inFokus
14:21 | 20 June 2025
Gazeta Infokus sot raportoi ekskluzivisht se Korporata Energjetike e Kosovës, KEK-u, ka nominuar zero megavat energji elektrike të prodhuar për shërbim te konsumatorëve. Për këtë tashmë Infokusi ka siguruar edhe fakte.
LEXO EDHE: Skandal i paparë: Bien të gjitha blloqet, aktualisht zero prodhim të energjisë elektrike nga KEK-u
Ky dokument që po shihni është i KEK-ut dhe shihet qartë se e ka njoftuar distribucionin KEDS/KESCO-n dhe akterët tjerë se për 24 orët e ardhshme nuk ofron as edhe një megavat energji elektrike për shërbim te konsumatorët.

Alarmi tashmë është ngritur edhe nga kompania e distribucionit, derisa KEK-u nuk ka njoftuar akoma se a kanë rënë edhe Blloku B1 i cili ka kapacitet prej 260 megavatë orë energji elektrike.
KEK-u ka njoftuar se është duke e rikthyer Bllokun A3 të Kosovës A, i cili kishte dalë nga sistemi në mënyrë të paplanifikuar, por nuk dihet nëse e ka në prodhim edhe Bllokun A5.
Ajo që dihet është vetëm se në remont është njësia B2 e Kosovës B dhe njësia A4 e Kosovës A.
Paradoksale duket edhe fakti që KEK nuk ka siguruar as energji elektrike nga KESH, Korporata Energjetike Shqiptare, me të cilën ka marrëveshje për shkëmbim të energjisë elektrike 1 me 1 kur ndodhen në situata të tilla krize dhe kur bien termocentralet në mënyrë të paplanifikuar.
Kjo situatë, me zero prodhim të energjisë elektrike nga Termocentralet ndodh për herë të parë në 25 vite pas luftës. Ekspertë të fushës që kanë punuar për dekada në KEK, të kontaktuar nga Infokusi, kanë pohuar se një situatë e tillë nuk e mbajnë mend të këtë ndodhur ndonjëherë, të paktën jo në këto 25 vitet e pasluftës.
“Ka pasur defekte të përkohshme, mirëmbajtje apo ndërprerje të një ose edhe dy tre blloqeve, por kurrë në histori nuk ka ndodhur që të jenë jashtë funksionit të gjitha njësitë prodhuese të Termocentraleve, në të njëjtën kohë”, – thekson një inxhinier i lartë, ish-menaxher teknik në KEK.
Kjo gjendje nuk është rastësi, por rezultat i një degradimi të vazhdueshëm institucional dhe menaxherial. Gjatë katër viteve të fundit, KEK-u është përfshirë në skandale të shumta, dështime teknike dhe rrënim të besueshmërisë publike.
KESCO konfirmoi raportimin e Infokus, kërkon kursim të energjisë
Raportimin e Infokusit e ka konfirmuar edhe kompania e distribuimit, KESCO.
Kompania KESCO përmes një njoftimi për media, ka bërë me dije se mund të ndodhë që nesër dhe në ditët në vijim e gjithë energjia elektrike që shpenzohet nga qytetarët duhet të importohet.
Në njoftimin për media, KESCO thekson se po ndërmerr masa të vazhdueshme për të garantuar furnizimin me energji elektrike, përkundër sfidave të mëdha logjistike dhe çmimeve të larta në tregun ndërkombëtar.
“Për shkak të prodhimit vendor të pamjaftueshëm, rrezikojmë që e gjithë energjia për konsumatorët në Kosovë të vijë nga importi. Ne jemi duke bërë përpjekje maksimale për të garantuar qëndrueshmëri në furnizim, edhe pse kjo nënkupton sfida të mëdha teknike dhe financiare”, thuhet në reagimin e kompanisë.
Për të zbutur ndikimin e kësaj situate, KESCO u bën thirrje qytetarëve që të kursejnë energjinë elektrike.
“Çdo kursim është i rëndësishëm. Duke përdorur energjinë në mënyrë më të kujdesshme, ndihmojmë në ruajtjen e stabilitetit të furnizimit dhe në uljen e kostos së përgjithshme, e cila përndryshe do të bie mbi të gjithë ne”, thuhet më tej në njoftim.

T� tjera
-
Rama: Ndryshim-ligji për Specialen nuk është i PDK’së, është për vlerat e luftës
Deputeti i Partisë Demokratike të Kosovës (PDK), Rrahman Rama, ka deklaruar s...
-
Limaj për rikthimin e Ligjit për Gjykatën Speciale: Jam SHOKU
Kryetari i Nismës Socialdemokrate, Fatmir Limaj, ka komentuar kërkesën për ri...
-
Rreth 2,500 konsumatorë të Prishtinës mbesin pa energji elektrike
KEDS ka njoftuar se si pasojë e një avarie në NS 110/20 kV Prishtina 6, rreth...
-
Rriten shqetësimet financiare në Zvicër, 38% e të punësuarve përballen me vështirësi ekonomike
Situata financiare e një pjese të konsiderueshme të punonjësve në Zvicër ësht...
-
Ky është personi që u vra sot në Suharekë në sytë e vajzës së mitur dhe gruas
Personi që humbi jetën nga të shtënat me armë zjarri mesditën e së mërkurës, ...
-
Vdes Floranta Radogoshi, motra e humoristit të njohur Qumili
Është ndarë nga jeta Floranta Radogoshi, motra e humoristit të njohur kosovar...
-
Partia Popullore Evropiane do të propozojë pezullimin e partisë së Vuçiqit
Kryesia e Partisë Popullore Evropiane do të propozojë pezullimin e përkohshëm...
-
BBC: Trump shtrëngon duart me Putinin dhe Xi Jinping para bisedimeve historike në Kinë
Të mërkurën, Donald Trump dhe Vladimir Putin u takuan për herë të parë pas më...
-
Kush është polici që e shoqëroi sot Jakup Krasniqin? I njëjti ishte edhe me Thaçin vitin e kaluar
Jakup Krasniqi ka qenë sot në Kosovë, nën përcjelljeve e shumë njësiteve të G...
-
Projektligji për diplomacinë, Ministri ia merr Presidentes kompetencën për emërimin e konsujve të përgjithshëm
Projektligji i ri për Shërbimin e Jashtëm të Kosovës parasheh ndryshime të rë...
-
Miftaraj: Pa reagimet publike, dënimet ndaj Thaçit dhe të tjerëve do të ishin edhe më të larta
Ehat Miftaraj nga Instituti i Kosovës për Drejtësi (IKD), i ftuar në emisioni...
-
Komuna e Vushtrrisë apelon për kujdes nga erërat e forta
Duke pasur parasysh erërat e forta që po mbizotërojnë aktualisht në Vushtrri ...
































