Fokus

KESCO konfirmon raportimin e Infokusit: Kosova nesër rrezikon të mbetet pa prodhim vendor të energjisë, e gjithë rryma vetëm nga importi

Autori: Gazeta inFokus 12:34 | 20 June 2025

Gazeta Infokus sot raportoi ekskluzivisht se Korporata Energjetike e Kosovës (KEK), aktualisht është në kolaps të plotë sa i përket prodhimit të energjisë elektrike.

E në lidhje me këtë kanë reaguar edhe nga Kompania furnizuese me energji elektrike (KESCO) të cilët kanë konfirmuar se nuk ka prodhim dhe se nesër Kosova rrezikon që të mbulojë të gjitha nevojat vetëm përmes importit , shkruan Gazeta Infokus.

Sipas KESCO-s, në skenarin më ekstrem, e gjithë sasia e energjisë elektrike që konsumojnë qytetarët e vendit do të duhet të sigurohet përmes importit, një skenar që paraqet rrezik të lartë për stabilitetin energjetik dhe për barrën financiare ndaj konsumatorëve.

-Advertisement-

“KESCO njofton se është informuar për një mungesë të theksuar të prodhimit vendor të energjisë elektrike që pritet të ndodhë nesër dhe në ditët në vijim. Në rastin më ekstrem, kjo do të nënkuptojë që e gjithë sasia e energjisë elektrike për konsumatorët në Kosovë do të duhet të mbulohet përmes importit.”

“Pavarësisht sfidave logjistike të mëdha dhe çmimeve të larta në tregjet ndërkombëtare, ne jemi duke bërë përpjekje maksimale për të siguruar furnizimin e nevojshëm. Por importimi i një sasie kaq të madhe energjie është një sfidë serioze – si nga aspekti teknik, ashtu edhe financiar,” thuhet në njoftimin e KESCO-s.

Duke pasur parasysh këtë gjendje alarmante kompania u bën thirrje urgjente të gjithë qytetarëve dhe bizneseve që të kursejnë energjinë elektrike sa më shumë që të jetë e mundur, për të shmangur ndërprerjet dhe për të ndihmuar në ruajtjen e sistemit energjetik.

“Çdo kilovat-orë i kursyer ndihmon drejtpërdrejt në ruajtjen e stabilitetit dhe në uljen e kostos që përndryshe do ta paguajmë të gjithë,” thuhet në thirrjen publike të KESCO-s./Gazeta Infokus

Skandal i paparë: Bien të gjitha blloqet, aktualisht zero prodhim të energjisë elektrike nga KEK-u

Subscribe në YouTube: GAZETA INFOKUSI
Edhe dy medalje të arta – Viva Fresh, lider në cilësi, produkte dhe shërbime në Kosovë
-Advertisement-

Të tjera

Fokusi

fokus