Ato janë murgesha që dijnë të kujdesen për veten dhe kjo është një aftësi që ato janë të gatshme ta dëshmojnë e pse jo edhe ta ndajnë me të tjerët.

Ja pra, këto janë murgeshat e Kung Fu-së në Indi, të cilat po i mësojnë vetëmbrojtjen të rejave, në një kohë kur raportet për përdhunime në vend, janë thuajse të përditshme.

“Shumë njerëz mendojnë se murgeshat nuk bëjnë gjë tjetër veçse ulen dhe luten, por ne bëjmë më shumë. Ne hapim rrugën.Nëse ne veprojmë, njerëzit do të mendojnë,nëse murgeshat e bëjnë këtë, përse të mos e bëjmë edhe ne? Dhe Kung Fu-ja do t’i bëjë ata më të fortë dhe me më shumë vetëbesim”, thotë një nga murgeshat.

-Advertisement-

Jigme Wangchuk Lhamo, 19 vjeç, është një nga trajneret e Kung Fu-së dhe thotë se kishin vendosur të jepnin mësime për vetëmbrojtje pas dëgjimit të rasteve të përdhunimit apo molestimit.

Rajoni i thellë malor Ladakh i Indisë, është ndoshta vendi i fundit në botë ku çdo kush mund të presë të shohë shkelmime apo grushtime, veçanërisht kur këto vijnë nga të devotshëm fetarë.

Por, murgeshat, i udhëheqin studentët e tyre, përmes rregullave të budizmit himaljan, ku inkurajohen të praktikojnë artet marciale dhe të mbrojnë barazinë gjinore. Edhe rrobat e tyre tradicionale, ngjyrë të murrme, shpesh hiqen për t’u zëvendësuar me ato të arteve marciale.

Sa i takon studentëve të tyre, rreth 100 femra të moshës nga 13 deri në 28 vjeç, kanë ndjekur një kurs rigoroz që fillon në 6 të mëngjesit dhe mbaron në 9 të darkës, gjatë gushtit.

Ai përfshin mësimin e teknikave për sprapsjen e sulmeve nga prapa, lëvizje si hedhje në tokë apo goditje dhe diskutime se si duhet reaguar në një skenar të mundshëm agresioni seksual.

Në 2015-ën, më shumë se 34 mijë përdhunime u raportuan në Indi. Kjo shifër, është sipas aktivistëve vetëm maja e ajsbergut pasi shumë viktima kanë frikë t’i raportojnë rastet, sepse mendojnë se do të fajësohen dhe turpërohen nga familjet dhe komuniteti.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-