Lajme

INDEP publikon analizën për Politikat e taksimit të karbonit

Autori: Ermirë Berisha 19:49 | 06 June 2022

Instituti për Politika Zhvillimore (INDEP) ka publikuar analizën “Politikat e taksimit të karbonit- Rëndësia, sfidat, mundësitë për Kosovën” shkruan Gazeta inFokus.

Sipas INDEP, ky punim është realizuar në kuadër të projektit “Taksa në Karbon – Avokim për implementimin e sistemit të brendshëm të tatimit të karbonit në politikat e Kosovës”.

Gjithashtu ky institut është shprehur se Kosova duhet të jetë në përputhje me politikat për emetimin e karbonit meqë e njëjta synon integrimin e saj në familjen evropiane, e cila për fokus ka këto politika.

-Advertisement-

INDEP po ashtu ka shtuar se Kosova me integrimin e taksës në emetimin e karbonit ndihmon Kosovën në shtimin e kapaciteteve gjeneruese nga burimet e ripërtëritshme.

“Themelimi i EKO Fondit, përgaditja e legjislacionit, gjithëpërfshirja, shtimi i investimeve në projekte të gjelbra dhe përshpejtimi i bashkimit të tregjeve energjetike me Shqipërinë, janë vetëm disa nga rekomandimet dhe hapat të cilat Qeveria e Kosovës duhet të ndërmerrë sa më parë në mënyrë që implemetimi i taksës së karbonit të ketë efekte maksimale. Bashkëpunimi i akterëve politikë dhe akterëve sektorial, duke përfshirë sektorin e energjisë, trasportit, industrisë dhe sektorëve tjerë që shkaktojnë emetimet të dioksidit të karbonit, do të bënte më të lehtë integrimin e taksës së karbonit në sistemin e brendshëm të politikave të Kosovës”, ka shkruar INDEP./Gazeta inFokus/

Subscribe në YouTube: GAZETA INFOKUSI
FREE FRIDAY ME ZBRITJE DERI 70%
-Advertisement-

Të tjera

Fokusi

lajme