Imazhet satelitore shfaqin dëme të mëdha në bazën ajrore në Krime
Autori: Gazeta inFokus 10:22 | 11 August 2022
Imazhet e publikuara satelitore kanë shfaqur dëme të madh dhe disa avionë luftarakë rusë të dëmtuar në bazën ajrore të Krimesë, që është goditur nga shpërthimet më herët gjatë kësaj jave.
Baza ajrore Saki, që gjendet në perëndim të Krimesë së kontrolluar nga rusët, u godit nga një sërë shpërthimesh të martën, më 9 gusht, duke lënë të vrarë një person.
Ukraina nuk ka marrë përgjegjësinë për shpërthimet, por të dhënat e reja sugjerojnë se shpërthimet ka të ngjarë të kenë qenë sulm i shënjestruar.
Imazhet satelitore të publikuara nga Plant Labs, tregojnë zona të mëdha të tokës që janë djegur nga zjarret që shpërthyen.
Pistat kryesore të kësaj baze ajrore duket se nuk janë prekur, por të paktën tetë avionë duket se janë dëmtuar ose janë shkatërruar, teksa duken disa gropa të hapura në tokë.
Disa prej këtyre gropave janë në disa zona specifike të bazës ajrore ku një numër i madh avionësh parkohen në ambiente të hapura e jo në hangarë.
Imazhet satelitore të Planet Labs, që monitoron luftën në Ukrainë, paraqesin konfirmimin e parë se baza mund të jetë shkatërruar. Deri më tani, detajet për madhësinë e dëmeve të shkaktuara nga shpërthimet kanë qenë të pakta.
Por, ende është e paqartë se si baza u shkatërruara ose me çka u godit.
Rusia e ka përdorur bazën ajrore Saki për të kryer sulme në territorin ukrainas qëkur nisi pushtimin e Ukrainës më 24 shkurt.
Moska insiston se shpërthimet u shkaktuan nga eksplodimet e mocionit, që gjendeshin në depotë e aeroportit. Rusia ka argumentuar se deri te shpërthimet ka ardhur si pasojë e mosrespektimit të rregullave kundër zjarrit.
Ukraina në anën tjetër nuk ka marrë përgjegjësi dhe Ministria e Mbrojtjes ka sugjeruar se fajtorë mund të jenë ushtarët rusë të cilët kanë qenë të pakujdesshëm sa i përket rregullave kundër zjarrit.
“Mendoj se ushtarët rusë në këtë bazë ajrore e shkelën rregullin më të thjeshtë: mos pini duhan në vende të rrezikshme”, tha ministri ukrainas i Mbrojtjes, Oleksiy Reznikov. “Kjo është e gjitha”, shtoi ai.
Por, një zyrtar i paidentifikuar ukrainas i ka thënë një media amerikane se forcat ukrainase janë përgjegjëse për shpërthimet, por nuk ka dhënë më shumë detaje.
Forcat ajrore ukrainase thanë se dhjetëra avionë luftarakë rusë janë shkatërruar, por Rusia ka hedhur poshtë pretendimet për dëmtimin e avionëve. Megjithatë, imazhet e reja sugjerojnë se ka avionë të dëmtuar ose të shkatërruar.
Analistët ushtarakë kanë thënë se ky shkatërrim në këtë bazë ajrore, paraqet një goditje të rëndë për Rusinë dhe një fitore psikologjike për Ukrainën.
Videot e postuara në mediat sociale më 9 gusht kanë shfaqur disa shpërthime në bazë që kanë shkaktuar tym dhe zjarr të madh.
Shtëpitë, makinat dhe objektet e tjera në afërsi të bazës po ashtu janë dëmtuar. Udhëheqësi i instaluar nga Rusia në Krime kanë thënë se përveç një personi të vrarë edhe 14 të tjerë janë plagosur. Sergei Aksyonov po ashtu ka thënë se të paktën 80 ndërtesa janë dëmtuar.
Në bazën ajrore kanë qenë deri 30 avionë ushtarakë më 9 gusht, sipas imazheve satelitore.
Analisti ushtarak, Robert Lee, tha se në këtë bazë ajrore ka mungesë të hangarëve për avionë.
Shumë avionë nuk do të ishin dëmtuar nga shpërthimet po që se Rusia do të kishte ndërtuar hangarë, tha ai përmes një postimi në Twitter.
Nëse Ukraina qëndron prapa këtyre shpërthimeve, atëherë ato do të paraqisnin sulmin më të madh të Kievit ndaj forcave ruse në Krime.
Po ashtu do të shfaqnin aftësitë teknike të Ukrainës për të kryer sulme në distancë të largët, tha Volodymyr Dubovyk, profesor i Marrëdhënieve Ndërkombëtare në Universitetin Mechnikov në Odesa.
Gadishulli ukrinas i Krimesë është aneksuar paligjshëm nga Moska më 2014. Presidenti ukrainas, Volodymyr Zelensky, është zotuar se deri në fund të pushtimit, që Rusia nisi ndaj Ukrainës, Kievi do të rimarrë kontrollin e Krimesë./rel
Të tjera
-
Aksidenti në Dragash: Varrosen nënë e bijë, familjarët falin gjakun
Janë varrosur nënë e bijë që humbën jetën si pasojë e një aksidenti që ndodhi...
-
Prona në Veternik, nuk ka prova se është fituar me falsifikim të dokumentit (dokument)
Gjykata Themelore në Prishtinë – Departamenti i Përgjithshëm me Aktvendimin e...
-
Vetura shkel një këmbësor në Prishtinë
Para pak çastesh ka ndodhur një aksident trafiku afër objektit të Komunës së ...
-
Pas vrā sjes së policit, Gjermania në kërkim të shtetasit serb nga Prishtina që bëri thirrje për sulmé tjera
Autoritetet gjermane janë në kërkim të një shtetasi serb, i lindur në Prishti...
-
Mes dhimbjes së shprehur gjithandej, “Imam Meti” i lindur në Prishtinë festoi për vrἀsjen e policit gjerman
Një polic u sulmua me thikë të premtën në Manheim të Gjermanisë nga një 25-vj...
-
KFOR për situatën në veri: Jemi të përgatitur në rast të rritjes së tensioneve
Komandanti i misionit të KFOR-it të udhëhequr nga NATO, gjeneralmajor Özkan U...
-
UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet
Organizata më e madhe në botë për të drejtat e fëmijëve, UNICEF, ka botuar në...
-
Ramush Haradinaj – Albin Kurtit: Ende nuk je përgjigjur se si u gjete i mbuluar me batanije, në një makinë me agjentë serbë
Kryetari i Aleancës për Ardhmërinë e Kosovës, Ramush Haradinaj, reaguar pas p...
-
Tre qenë të ngordhur nga helmimi në Prishtinë, flasin nga AUV
Gjatë ditës së djeshme ka pasur raportime rreth dyshimeve se disa qenë janë h...
-
KCSF lanson fazën e dytë të Programit EJA Kosovë dhe ndanë Çmimin për Demokraci 2023
Fondacioni Kosovar për Shoqëri Civile (KCSF), ka mbajtur sot ceremoninë e lan...
-
Aktivistë të PSD-së thumbojnë VV-në për Radojiçiqin, ia modifikojnë moton “Me zemër”
Aktivistë dhe anëtarë të PSD-së së Dardan Molliqajt kanë filluar të shpërndaj...
-
Kryeministri Kurti i kundërpërgjigjet Liburn Aliut i cili tha se VV-ja gaboi që mbështeti PVD-në në zgjedhjet në Luginë
Kryeministri Albin Kurti i është përgjigjur ministrit të Infrastrukturës, bas...