Lajme

IKSHPK merr një vendim shumë të rëndësishëm lidhur me testim për Covid-19

Autori: Gazeta inFokus 14:08 | 04 March 2022

Instituti Kombëtar i Shëndetësisë Publike në Kosovës ka marrë një vendim të rëndësishëm lidhur me testimet për Covid-19, shkruan Gazeta inFokus.

Ky institut ka njoftuar se kanë ndërprerë marrjen e mostrave për testim për koronavirus gjatë të dielave.

Sipas IKSHPK-së situata epidemiologjike është përmirësuar dhe numri i rasteve pozitive me Covid-19 ka rënë.

-Advertisement-

IKSHPK po ashtu ka bërë të ditur se testimi për Covid-19 do të vazhdojë nga dita e hënë e deri të shtunën gjatë orarit të punës 08:00-14:00.

“Për shkak përmirësimit të theksuar të gjendjes epidemiologjike me SARS-CoV-2 në Kosovë, përkatësisht uljes së dukshme të rasteve me COVID 19 si dhe uljes të kërkesave për testim për SARS-CoV-2, IKSHPK njofton që pas një periudhe dy vjeçare të punës intenzive, ndërpen marrjen e mostrave dhe testimin për SARS-CoV-2 si dhe lëshimin e rezultateve të testimit gjatë të dielave. Qytetarët e Kosovës mund të testohen në IKSHPK për SARS-CoV-2 me RT PCR nga e hëna deri të shtunën gjatë orarit të punës 08:00 – 14:00”, thuhet në njoftim.

Ndryshe, gjatë ditës së djeshme në Kosovë pozitiv me Covid-19 kanë rezultat 69 persona, kurse nuk është shënuar asnjë rast i vdekjes./Gazeta inFokus/

Subscribe në YouTube: GAZETA INFOKUSI