Sport

Ibrahimoviç zbulon foton e dëmtimit të frikshëm në gju

Autori: Gazeta inFokus 15:53 | 03 August 2018

Zlatan Ibrahimoviç ka zbuluar një foto të tmerrshme të dëmtimit, që kushtëzoi karrierën e tij te Manchester United. Ylli suedez, 36 vjeç, pësoi dëmtimin e tmerrshëm në prill 2017, pas së cilit iu tha se nuk do të luante kurrë përsëri.

Ibra dëmtoi ligamentin e tij të kryqëzuar dhe meniskun gjatë një ndeshjeje të “Europa League” me Anderlechtin. Ai iu nënshtrua ndërhyrjes kirurgjikale dhe vetëm tani i ka treguar pamjet e plagëve të mbetura, pas operacionit.

Zlatan e shoqëron foton me këtë status: “Ata thanë se ishte i gjatë, unë thashë jo!” Pavarësisht lëndimit të tmerrshëm në një fazë të tillë të vonshme të karrierës së tij, Ibrahimoviç vazhdon të luajë… dhe shënon.

-Advertisement-

Ish-ylli i “Djajve të Kuq” ka shënuar 15 gola në vetëm 17 ndeshje të luajtura në MLS, duke përfshirë një “hat-trick” në ndeshjen më të fundit të Los Angeles Galaxy, në fitoren 4-3 ndaj Orlando City.